ಜಿಲ್ಲಾಸ್ಪತ್ರೆಯಲ್ಲಿ ಮಂಗನಾಟ..! ; ರೋಗಿಗಳು ಹೈರಾಣು

ಚಿತ್ರದುರ್ಗ : ನಗರದ ಜಿಲ್ಲಾಸ್ಪತ್ರೆಯಲ್ಲಿ ಅವ್ಯವಸ್ಥೆ ಕುರಿತು ಆಗಾಗ ಸುದ್ದಿಯಾಗುತ್ತಿದ್ದು ಕಾಮನ್ ಆಗಿದೆ. ಆದ್ರೆ ಈ ಬಾರಿ ಜಿಲ್ಲಾಸ್ಪತ್ರೆಯಲ್ಲಿ ಮಂಗನ ಕಿರಿಕಿರಿ ಕಾರಣಕ್ಕೆ ಸುದ್ದಿಯಾಗುತ್ತಿದೆ. ಜಿಲ್ಲಾಸ್ಪತ್ರೆಯಲ್ಲಿ ಯಾವುದೇ ವ್ಯವಸ್ಥೆ ಇಲ್ಲದೇ ರೋಗಿಗಳು ಹೈರಾಣಾಗಿದ್ದಾರೆ.

 ನಗರದ ಜಿಲ್ಲಾಸ್ಪತ್ರೆಯ ವಾರ್ಡ್​ಗಳ ಕಿಟಕಿ ಬಾಗಿಲುಗಳು ಹಾಳಾಗಿದ್ದು. ಅಧಿಕಾರಿಗಳು ರಿಪೇರಿ ಮಾಡಿಸೋ ಕುರಿತು ತಲೆ ಕೆಡಿಸಿಕೊಳ್ಳುತ್ತಿಲ್ಲ ಈ ಹಿನ್ನೆಲೆ ಅಧಿಕಾರಿಗಳ ವಿರುದ್ಧ ಸಾರ್ವಜನಿಕರು ಬೇಸರ ವ್ಯಕ್ತಪಡಿಸಿದ್ದಾರೆ. ಜಿಲ್ಲಾಸ್ಪತ್ರೆಯಲ್ಲಿ ಸರಿಯಾದ ನಿರ್ವಹಣೆ ಇಲ್ಲದ ಕಾರಣ ಈ ಮೂಲಕ ಕೋತಿಗಳು ಆಸ್ಪತ್ರೆಯ ವಾರ್ಡ್​ಗಳಿಗೆ ನುಗ್ಗುತ್ತಿವೆ. ರೋಗಿಗಳಿಗೆ ನೀಡಿದ ಹಣ್ಣು, ಬ್ರೆಡ್, ಆಹಾರದ ಚೀಲ ಎತ್ತಿಕೊಂಡು ಪರಾರಿಯಾಗುತ್ತಿವೆ. ಬೆಡ್ ಮೇಲೆಯೇ ಓಡಾಡುತ್ತಿರುವ ಮಂಗಕ್ಕೆ‌ ಹೆದರಿ ರೋಗಿಗಳು ಗಾಬರಿಯಾಗುತ್ತಿದ್ದಾರೆ. ಸದ್ಯ ಮಂಗವೊಂದು ವಾರ್ಡನಲ್ಲಿ ರೋಗಿಗಳ ಬೆಡ್ ಮೇಲೆ ಓಡಾಡುತ್ತಿರುವ ವೀಡಿಯೋದ ಸಾಮಾಜಿಕ ಜಾಲತಾಣದಲ್ಲಿ ಫುಲ್ ವೈರಲ್ ಆಗಿದೆ.