ಬಿಗ್ಬಾಸ್ ಮನೆಯಲ್ಲಿ ಕಳೆದ ವಾರ ಯಾವುದೇ ಎಲಿಮಿನೇಷನ್ ಇರಲಿಲ್ಲ. ಕಳೆದ ವಾರ ಭವ್ಯಾ ಅವರು ಇನ್ನೇನು ಎಲಿಮಿನೇಟ್ ಆಗಿಯೇ ಬಿಟ್ಟರು ಎಂಬಲ್ಲಿಗೆ ಹೋಗಿ ಅವರು ಮನೆಯಿಂದ ಹೊರ ಹೋಗದೆ ಉಳಿದುಕೊಂಡಿದ್ದರು. ಅಸಲಿಗೆ ಕಳೆದ ವಾರ ಯಾವುದೇ ಎಲಿಮಿನೇಷನ್ ಆಗಿರಲಿಲ್ಲ. ಆದರೆ ಈ ವಾರ ಎಲಿಮಿನೇಷನ್ ಪಕ್ಕಾ ಆಗಲಿದೆ. ಮಾತ್ರವಲ್ಲದೆ, ನಿನ್ನೆ ತೋರಿಸಿರುವ ಬಿಗ್ಬಾಸ್ ಪ್ರೋಮೋ ಪ್ರಕಾರ ಈ ವಾರ ಒಬ್ಬರಲ್ಲ ಬದಲಿಗೆ ಇಬ್ಬರು ಎಲಿಮಿನೇಟ್ ಆಗಲಿದ್ದಾರೆ.
ಈ ವಾರ ಜೋಡಿ ಟಾಸ್ಕ್ ಇತ್ತು. ಮನೆಯ ಸದಸ್ಯರು ಜೋಡಿಗಳಾಗಿ ಒಬ್ಬರಿಗೊಬ್ಬರು ಒಟ್ಟೊಟ್ಟಿಗೆ ಟಾಸ್ಕ್ನಲ್ಲಿ ಭಾಗಿ ಆಗಬೇಕಿತ್ತು, ಪರಸ್ಪರ ಸೊಂಟಕ್ಕೆ ಪಟ್ಟಿ ಕಟ್ಟಿಕೊಂಡು ಒಟ್ಟಿಗೆ ಬಾಳಬೇಕಿತ್ತು. ಇದೇ ಕಾರಣಕ್ಕೆ ಈ ವಾರ ಜೋಡಿ ಎಲಿಮಿನೇಷನ್ ಆಗಲಿದೆ ಎನ್ನುವ ಸುಳಿವನ್ನು ಶನಿವಾರದ ಎಪಿಸೋಡ್ನಲ್ಲಿಯೇ ಸುದೀಪ್ ನೀಡಿದ್ದರು. ಕಳೆದ ವಾರ ಭವ್ಯಾ ಗೌಡ ಇನ್ನೇನು ಎಲಿಮಿನೇಟ್ ಆದರು ಎಂಬಲ್ಲಿಗೆ ಹೋಗಿ ವಾಪಸ್ಸಾಗಿದ್ದರು. ಧನರಾಜ್ ಸಹ ಲಿಸ್ಟ್ನಲ್ಲಿದ್ದರು. ಆದರೆ ಅವರನ್ನು ಶನಿವಾರವೇ ಸುದೀಪ್ ಸೇಫ್ ಮಾಡಿದ್ದಾರೆ. ಶನಿವಾರದ ಎಪಿಸೋಡ್ನಲ್ಲಿ ಸುದೀಪ್ ಅವರು ಧನರಾಜ್, ಮೋಕ್ಷಿತಾ ಮತ್ತು ಗೋಲ್ಡ್ ಸುರೇಶ್ ಅವರನ್ನು ಮಾತ್ರವೇ ಸೇಫ್ ಮಾಡಿದ್ದಾರೆ. ಇನ್ನೂ ಹಲವು ಸ್ಪರ್ಧಿಗಳು ನಾಮಿನೇಷನ್ ಕೆಳಗೆ ಇದ್ದಾರೆ. ಈಗ ಹರಿದಾಡುತ್ತಿರುವ ಸುದ್ದಿಗಳ ಪ್ರಕಾರ ಅನುಷಾ ರೈ ಅವರು ಈ ವಾರ ಬಿಗ್ಬಾಸ್ನಿಂದ ಎಲಿಮಿನೇಟ್ ಆಗಿದ್ದಾರೆ.
ಇತರೆ ಸ್ಪರ್ಧಿಗಳಿಗೆ ಹೋಲಿಸಿಕೊಂಡರೆ ಅನುಷಾ ರೈ ಅವರು ಮನೆಯಲ್ಲಿ ತುಸು ಕಡಿಮೆ ಗಮನ ಸೆಳೆದಿದ್ದಾರೆ. ಟಾಸ್ಕ್ಗಳಲ್ಲಿಯೂ ತುಸು ಕಡಿಮೆ ಪ್ರದರ್ಶನವನ್ನೇ ತೋರಿಸಿದ್ದಾರೆ. ಚೈತ್ರಾ, ಇನ್ನಿತರರ ರೀತಿ ವಿವಾದಗಳಲ್ಲಿಯೂ ಭಾಗಿ ಆಗಿಲ್ಲ. ಹನುಮ, ಧನರಾಜ್ ರೀತಿ ಮನೊರಂಜನೆಯನ್ನೂ ಹೆಚ್ಚಾಗಿ ನೀಡಿಲ್ಲ. ಕೆಲವು ಕಡೆಗಳಲ್ಲಿ ಕಾಣಿಸಿಕೊಂಡಿದ್ದಾರಾದರೂ ಅದು ಮುಂದಿನ ವಾರಕ್ಕೆ ಉಳಿದುಕೊಳ್ಳುವಷ್ಟು ಸಾಕಾಗಿಲ್ಲ. ಈಗ ಅನುಷಾ ರೈ ಮನೆಯಿಂದ ಹೊರಹೋಗಿದ್ದಾರೆ ಎನ್ನಲಾಗುತ್ತಿದೆ.
ಇನ್ನು ಸುದೀಪ್ ಈ ವಾರ ಜೋಡಿ ಎಲಿಮಿನೇಷನ್ ಎಂದು ಹೇಳಿರುವ ಪ್ರೋಮೋ ಬಿಡುಗಡೆ ಮಾಡಲಾಗಿದೆಯಾದರೂ ಈ ವಾರ ಜೋಡಿ ಅಲ್ಲ ಬದಲಿಗೆ ಒಬ್ಬರೇ ಎಲಿಮಿನೇಟ್ ಆಗಿದ್ದಾರೆ ಎನ್ನಲಾಗುತ್ತಿದೆ. ಈ ವಾರ ಧನರಾಜ್ ಎಲಿಮಿನೇಟ್ ಆಗುತ್ತಾರೆ ಎಂದು ಹಲವರು ನಿರೀಕ್ಷೆ ಮಾಡಿದ್ದರು. ಆದರೆ ಅನುಷಾ ಎಲಿಮಿನೇಟ್ ಆಗಿದ್ದಾರೆ.
