T20 World Cup 2024 : ಟಿ20 ಕ್ರಿಕೆಟ್ ಅಂದ್ರೆನೇ ಅಲ್ಲಿ ಸಿಕ್ಸ್-ಫೋರ್ಗಳ ಸುರಿಮಳೆಯಾಗುತ್ತಿರುತ್ತವೆ. ಇದಕ್ಕೆ ತಾಜಾ ಸಾಕ್ಷಿ ಈ ಬಾರಿಯ ಐಪಿಎಲ್ . ಏಕೆಂದರೆ ಐಪಿಎಲ್ ಸೀಸನ್ 17 ರಲ್ಲಿ ಬರೋಬ್ಬರಿ 1260 ಸಿಕ್ಸ್ಗಳು ಸಿಡಿದಿದ್ದವು. ಆದರೆ ಇದೇ ಸಿಡಿಲಬ್ಬರವನ್ನು ಟಿ20 ವಿಶ್ವಕಪ್ನಲ್ಲಿ ನಿರೀಕ್ಷಿಸುವಂತಿಲ್ಲ. ಏಕೆಂದರೆ ಟಿ20 ವಿಶ್ವಕಪ್ನ ಮೊದಲ 6 ಪಂದ್ಯಗಳಲ್ಲೇ ಎರಡು ಮ್ಯಾಚ್ಗಳು ಡಾಟ್ ಬಾಲ್ಗಳಿಂದಲೇ ಗಮನ ಸೆಳೆದಿವೆ.
ಅಂದರೆ ಉಭಯ ತಂಡಗಳು ರಕ್ಷಣಾತ್ಮಕ ಆಟಕ್ಕೆ ಒತ್ತು ನೀಡುವ ಮೂಲಕ ಒಟ್ಟು 35.3 ಓವರ್ಗಳಲ್ಲಿ ಬರೋಬ್ಬರಿ 127 ಡಾಟ್ ಬಾಲ್ಗಳನ್ನು ಆಡಿದ್ದರು. ಇದುವೇ ಈಗ ವಿಶ್ವ ದಾಖಲೆಯಾಗಿ ಮಾರ್ಪಟ್ಟಿದೆ. ಇಲ್ಲಿ ಗಮನಿಸಬೇಕಾದ ಮುಖ್ಯ ಅಂಶ ಎಂದರೆ ಬಲಿಷ್ಠ ದಾಂಡಿಗರನ್ನು ಹೊಂದಿರುವ ಸೌತ್ ಆಫ್ರಿಕಾ ತಂಡವೇ ಈ ಡಾಟ್ ಬಾಲ್ ದಾಖಲೆಯಲ್ಲಿ ಪಾಲುದಾರರಾಗಿರುವುದು.
ಅಂದರೆ ಒಟ್ಟು 39.4 ಓವರ್ಗಳ ಈ ಪಂದ್ಯದಲ್ಲಿ ಒಟ್ಟು 123 ಡಾಟ್ ಬಾಲ್ಗಳು ಮೂಡಿಬಂದಿದ್ದವು. ಅಂದರೆ ಈ ಬಾರಿಯ ಟಿ20 ವಿಶ್ವಕಪ್ನಲ್ಲಿ ಆಡಲಾದ ಎರಡು ಪಂದ್ಯಗಳು ಟಿ20 ವಿಶ್ವಕಪ್ನ ಅತೀ ಹೆಚ್ಚು ಡಾಟ್ ಬಾಲ್ಗಳ ಮ್ಯಾಚ್ಗೆ ಸಾಕ್ಷಿಯಾಗಿದೆ.
ಹೀಗಾಗಿ ನಸ್ಸೌ ಕೌಂಟಿ ಸ್ಟೇಡಿಯಂನಲ್ಲಿ ಮತ್ತು ಬಾರ್ಬಡೋಸ್ ಮೈದಾನದಲ್ಲಿ ನಡೆಯಲಿರುವ ಈ ಬಾರಿಯ ವಿಶ್ವಕಪ್ ಪಂದ್ಯಗಳಲ್ಲಿ ಮತ್ತಷ್ಟು ಡಾಟ್ ಬಾಲ್ಗಳನ್ನು ನಿರೀಕ್ಷಿಸಬಹುದು. ಅಲ್ಲದೆ ಈ ಬಾರಿ ಬರೀ ಹೊಡಿಬಡಿ ಆಟವನ್ನು ಸಹ ನಿರೀಕ್ಷಿಸುವಂತಿಲ್ಲ. ಬದಲಾಗಿ ಡಾಟ್ ಬಾಲ್ಗಳ ಮೂಲಕ ಬೌಲರ್ಗಳು ಕೂಡ ಇಡೀ ಪಂದ್ಯದ ಚಿತ್ರಣವನ್ನು ಬದಲಿಸುವುದನ್ನು ಎದುರು ನೋಡಬಹುದು.
