ಉಕ್ರೇನ್ ದಾಳಿಯಲ್ಲಿ 8, ರಷ್ಯಾದಲ್ಲಿ 3 ಜನ ಸಾವು
ರಷ್ಯಾ-ಉಕ್ರೇನ್ ಸಂಘರ್ಷ ತೀವ್ರ
ಕೀವ್: ಉಕ್ರೇನ್ ಮತ್ತು ರಷ್ಯಾ ನಡುವಿನ ಭೀಕರ ಯುದ್ಧ ಮುಂದುವರಿದಿದ್ದು, ಉಕ್ರೇನ್ ಮೇಲೆ ರಷ್ಯಾ ನಡೆಸಿದ ಸರಣಿ ವಾಯು ದಾಳಿಗಳಲ್ಲಿ 8 ನಾಗರಿಕರು ಸಾವನ್ನಪ್ಪಿದ್ದಾರೆ ಮತ್ತು 30ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಇದಕ್ಕೆ ಪ್ರತಿಯಾಗಿ ಉಕ್ರೇನ್ ಕೂಡ ರಷ್ಯಾ ಮೇಲೆ ತೀವ್ರ ಡೋನ್ ದಾಳಿ ನಡೆಸಿದ್ದು, ಮೂವರು ರಷ್ಯನ್ನರು ಬಲಿಯಾಗಿದ್ದಾರೆ.
ರಷ್ಯಾದ ಭೀಕರ ಡೋನ್ ದಾಳಿ ಮತ್ತು ಉಕ್ರೇನ್ ಪ್ರತ್ಯುತ್ತರ
ರಷ್ಯಾದ ಪಡೆಗಳು ಉಕ್ರೇನ್ನಾದ್ಯಂತ ಒಟ್ಟು 138 ಡೋನ್ಗಳನ್ನು ಬಳಸಿ ಭಾರೀ ದಾಳಿ ನಡೆಸಿವೆ. ಉಕ್ರೇನ್ ವಾಯು ರಕ್ಷಣಾ ಪಡೆಗಳು ಇವುಗಳಲ್ಲಿ 101 ಡೋನ್ಗಳನ್ನು ಹೊಡೆದುರುಳಿಸುವಲ್ಲಿ ಯಶಸ್ವಿಯಾಗಿವೆ. ಆದರೂ, ಈ ದಾಳಿಗಳಲ್ಲಿ ತಾಯಿ ಮತ್ತು ಮಗು ಸೇರಿದಂತೆ ಹಲವರು ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದರು. ದುರಾದೃಷ್ಟವಶಾತ್, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಮಗುವೊಂದು ಮೃತಪಟ್ಟಿರುವುದಾಗಿ ವರದಿಯಾಗಿದೆ. ಪೂರ್ವ ಡೊನೆಟ್ಸ್ ಒಬ್ಲಾಸ್ಟ್ನಲ್ಲಿ ನಡೆದ ದಾಳಿಯಲ್ಲಿ ಏಳು ಮಂದಿ ಹಾಗೂ ಈಶಾನ್ಯ ಖಾರ್ಕಿವ್ ಪ್ರದೇಶದಲ್ಲಿ ಮೂವರು ಗಾಯಗೊಂಡಿದ್ದಾರೆ ಎಂದು ಆಯಾ ಪ್ರಾದೇಶಿಕ ಗವರ್ನರ್ಗಳು ತಿಳಿಸಿದ್ದಾರೆ.
ಮಾಸ್ಕೋ ಮೇಲೆ ಉಕ್ರೇನ್ ಅನಿರೀಕ್ಷಿತ ಪ್ರತಿದಾಳಿ
ರಷ್ಯಾದ ದಾಳಿಗಳಿಗೆ ಪ್ರತೀಕಾರವಾಗಿ ಉಕ್ರೇನ್ ಮಾಸ್ಕೋ ನಗರ ಸೇರಿದಂತೆ ವಿವಿಧೆಡೆ ನೂರಾರು ಡೋನ್ಗಳ ಮೂಲಕ ಅತಿದೊಡ್ಡ ಪ್ರತ್ಯುತ್ತರ ನೀಡಿದೆ. ರಷ್ಯಾದ ಸಂಸದೀಯ ಚುನಾವಣೆಯ ಅಂತಿಮ ದಿನದಂದು ನಡೆದ ಈ ಭೀಕರ ಡೋನ್ ದಾಳಿಯಲ್ಲಿ ಮೂವರು ರಷ್ಯಾದ ನಾಗರಿಕರು ಪ್ರಾಣ ಕಳೆದುಕೊಂಡಿದ್ದಾರೆ.
ಈ ನಿರಂತರ ದಾಳಿ ಮತ್ತು ಪ್ರತಿದಾಳಿಗಳಿಂದ ಉಭಯ ದೇಶಗಳಲ್ಲಿ ಉದ್ವಿಗ್ನತೆ ಮತ್ತಷ್ಟು ಹೆಚ್ಚಾಗಿದ್ದು, ಸಾಮಾನ್ಯ ಜನರ ಜೀವಕ್ಕೆ ಭಾರಿ ಕುತ್ತು ಬಂದೊದಗಿದೆ.
