ಈ ವರ್ಷ 11 ದಿನ ಮೈಸೂರು ದಸರಾ ಹಬ್ಬ

ಸೆಪ್ಟಂಬರ್‌ 22ರಂದು ದಸರಾ ಹಬ್ಬಕ್ಕೆ ಚಾಲನೆ ಸಿಗಲಿದೆ.ಅಕ್ಟೋಬರ್‌ 2ರಂದು ವಿಜಯದಶಮಿ, ಜಂಬೂ ಸವಾರಿ ನಡೆಯಲಿದೆ. ದಸರಾ ಈ ಬಾರಿ 10ದಿನಗಳ ಬದಲು 11ದಿನಗಳ ಕಾಲ ನಡೆಯಲಿದೆ. ಈ ಬಾರಿ ದಸರಾ ಉದ್ಘಾಟನೆಗೆ ಯಾರನ್ನು ಆಹ್ವಾನಿಸಬೇಕು ಎಂಬುವುದನ್ನು ಮುಖ್ಯಮಂತ್ರಿ ವಿವೇಚನೆಗೆ ಬಿಡಲು ಇಂದಿನ ಸಭೆಯಲ್ಲಿ ನಿರ್ಧರಿಸಲಾಯಿತು.

ಬೆಂಗಳೂರಲ್ಲಿ ದಸರಾ ಪೂರ್ವಭಾವಿ ಸಭೆ ನಡೆಸಿದ ಸಿಎಂ ಸಿದ್ದರಾಮಯ್ಯ, ಅಗಸ್ಟ್ 4 ಗಜ ಪ್ರಯಾಣ ಆರಂಭವಾಗಲಿದೆ.. ಸೆಪ್ಟೆಂಬರ್22 ದಸರಾ ಉತ್ಸವಕ್ಕೆ ಚಾಲನೆ ಸಿಗಲಿದೆ.. ಬೆಳಗ್ಗೆ 10-10 ಕ್ಕೆ ಚಾಮುಂಡಿ ಬೆಟ್ಟದಲ್ಲಿ ದಸರಾ ಉದ್ಘಾಟನೆ.. ಅಕ್ಟೋಬರ್ ೨ರಂದು ನಂದಿ ಧ್ವಜ ಪೂಜೆ ಆಗುತ್ತೆ ಎಂದು ತಿಳಿಸಿದ್ರು. ಸೆಪ್ಟೆಂಬರ್22 ರಿಂದ ಅಕ್ಟೋಬರ್ 2ವರೆಗೆ ಒಟ್ಟು 11 ದಿನ ದಸರಾ ನಡೆಯಲಿದೆ.. ಈ ಬಾರಿ ರಾಜ್ಯದಲ್ಲಿ ಒಳ್ಳೆಯ ಮಳೆಯಾಗಿದೆ.. ಕೆರೆ ಕಟ್ಟೆ ನದಿಗಳು ತುಂಬಿವೆ.. ರೈತರ ಮುಖದಲ್ಲಿ ಸಂತಸ ಇದೆ.. ಸರ್ಕಾರದ ಆಡಳಿತ ಬಗ್ಗೆ ಜನರಿಗೆ ಖುಷಿ ಇದೆ ಎಂದು ಸಿಎಂ ಸಿದ್ದರಾಮಯ್ಯ ತಿಳಿಸಿದ್ರು.