ಹಾಸನ : ಲೋಕಸಭಾ ಸಾರ್ವತ್ರಿಕ ಚುನಾವಣೆ ಸಂಬಂಧ ಹಾಸನ ಜಿಲ್ಲೆ, ಅರಸೀಕೆರೆ ತಾಲ್ಲೂಕಿನ, ಮೈಲನಹಳ್ಳಿ ಚೆಕ್ ಪೋಸ್ಟ್‌ನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಅಧಿಕಾರಿಗಳು ನಾಲ್ಕು ವಾಹನಗಳಲ್ಲಿ ದಾಖಲೆಯಿಲ್ಲದೆ ಸಾಗಿಸುತ್ತಿದ್ದ 3,08,000 ನಗದನ್ನು ವಶಪಡಿಸಿಕೊಳ್ಳಲಾಗಿದೆ.
ನಾಗೇಶ್ ಎಂಬುವವರಿಗೆ ಸೇರಿದ KA-13 -C-4812 ಬೊಲೆರೋ ವಾಹನದಲ್ಲಿ 70,000 ನಗದು, ಷಣ್ಮುಖಪ್ಪ ಎಂಬುವವರಿಗೆ ಸೇರಿದ KA-02-MM-5097 ಒಮಿನಿ ಕಾರಿನಲ್ಲಿ 74,000 ನಗದು, ನೂರುಲ್ಲಾ ಎಂಬುವವರ KA-18-A-8599 ನಂಬರ್‌ನ ಬೊಲೆರೋ ಪಿಕಪ್ ವಾಹನದಲ್ಲಿ 70,000 ನಗದು, ದಾದಾಪೀರ್ ಎಂಬುವವರಿಗೆ ಸೇರಿದ KA13-B-5889 ಗೂಡ್ಸ್ ವಾಹನದಲ್ಲಿ 94,000 ನಗದು ಒಟ್ಟು 3,08,000 ರೂ ನಗದನ್ನು ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ.
