ಬೇಟೆಯ ಆಸೆಯಿಂದ ಕೋತಿಗಳ ಗುಂಪಿನತ್ತ ಜಿಗಿದ ಚಿರತೆ: ಅರೆಕ್ಷಣದಲ್ಲೇ ಸನ್ನಿವೇಶವೇ ಬದಲು!
ಆ ಚಿರತೆ ಬೇಟೆಯ ಆಸೆಯಲ್ಲಿ ಬಂದಿತ್ತು.ಎದುರಿಗಿದ್ದ ಪ್ರಾಣಿಗಳ ಸಂಖ್ಯೆಯು ದೊಡ್ಡದಾಗಿದ್ದರೂ ಶಕ್ತಿಶಾಲಿಯಾದ ನನ್ನನ್ನು ಆ ಪ್ರಾಣಿಗಳು ಹಿಮ್ಮೆಟ್ಟಿಸಲು ಸಾಧ್ಯವೇ ಎಂಬಂತೆ ದಾಳಿಗೆ ಜಿಗಿದೇ ಬಿಟ್ಟಿತ್ತು. ಆ ಪ್ರಾಣಿಗಳಿಗೂ ಇದು ಅನಿರೀಕ್ಷಿತ ಸನ್ನಿವೇಶ. ಆದರೂ ಗುಂಪಿನಲ್ಲಿರುವ ಆ ಜೀವವನ್ನು ಉಳಿಸುವ ತವಕ. ಹೀಗಾಗಿ ಒಟ್ಟಾಗಿದ್ದವು. ಈ ಒಗಟ್ಟಿನ ಶಕ್ತಿ ಅದೆಷ್ಟು ಬಲವಾಗಿತ್ತು ಎಂದರೆ ಬೇಟೆಯ ಆಸೆಯಲ್ಲಿ ಬಂದಿದ್ದ ಚಿರತೆಯೇ ದಿಕ್ಕಾಪಾಲಾಗಿ ಓಡಿ ಹೋಗಿತ್ತು.
ಹೌದು ಚಿರತೆ ಹಾಗೂ ಬಬೂನ್ ಕೋತಿಗಳ ಗುಂಪಿನ ನಡುವಣ ಕಾಳಗದ ಈ ದೃಶ್ಯ ಈಗ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಕಾಡಿನ ಜೀವನದಲ್ಲಿ ಬೇಟೆ ಹೊಸದಲ್ಲ. ಆದರೂ ಜೀವ ಹೋಗುವ ಸನ್ನಿವೇಶದಲ್ಲಿ ಎಲ್ಲಾ ಪ್ರಾಣಿಗಳೂ ತಪ್ಪಿಸಿಕೊಳ್ಳುವ ಪ್ರಯತ್ನವಂತು ಮಾಡೇ ಮಾಡುತ್ತವೆ. ಈ ಪ್ರಯತ್ನದಲ್ಲಿ ಬೇಟೆಗಾರ ಜೀವಿಗಳ ಬಾಯಿಯಿಂದಲೂ ಬೇಟೆ ತಪ್ಪಿಸಿ ಅವುಗಳೂ ನಿರಾಸೆ ಅನುಭವಿಸುವುದಿದೆ. ಈಗ ಇಲ್ಲಿ ಈ ಚಿರತೆ ಕೂಡಾ ಅದೇ ರೀತಿಯ ನಿರಾಸೆ ಅನುಭವಿಸಿದೆ.
@AMAZlNGNATURE ಎಂಬ ಎಕ್ಸ್ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ರಸ್ತೆಯಲ್ಲಿ ಬಬೂನ್ ಕೋತಿಗಳ ದೊಡ್ಡ ಗುಂಪೊಂದು ಸಾಗುತ್ತಿರುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಈ ಕೋತಿಗಳ ದೊಡ್ಡ ಸಂಖ್ಯೆಯನ್ನು ಕಂಡು ಸಫಾರಿಗೆ ತೆರಳಿದ್ದವರು ಈ ದೃಶ್ಯವನ್ನು ಸೆರೆ ಹಿಡಿಯುತ್ತಿದ್ದರು. ಅಷ್ಟರಲ್ಲಿ ಬೇಟೆಗೆ ಹೊಂಚು ಹಾಕಿದ್ದ ಚಿರತೆ ಪೊದೆಯಿಂದ ಜಿಗಿದು ಈ ಬಬೂನ್ ಕೋತಿಗಳ ಗುಂಪಿನ ಮೇಲೆ ದಾಳಿ ಮಾಡಿತ್ತು. ಈ ದೃಶ್ಯವನ್ನು ಕಂಡ ಪ್ರವಾಸಿಗರು ಚಿರತೆ ಬಬೂನ್ನ ಜೀವ ತೆಗೆಯುತ್ತದೆ ಎಂದೇ ಅಂದುಕೊಂಡಿದ್ದರು. ಆದರೆ ಹಾಗೆ ಆಗಲ್ಲ. ಗುಂಪಿನ ಮೇಲಿನ ದಾಳಿಯ ಈ ಅನಿರೀಕ್ಷಿತ ಸನ್ನಿವೇಶದಲ್ಲಿ ಬೆದರಿದ ಕೋತಿಗಳು ಧೈರ್ಯಗೆಡದೆ ಚಿರತೆಯ ಬಾಯಿಯಿಂದ ತಮ್ಮ ಫ್ರೆಂಡ್ ಅನ್ನು ರಕ್ಷಿಸಲು ಮುಂದಾಗಿದ್ದವು. ಹೀಗಾಗಿ ಎಲ್ಲವೂ ಒಟ್ಟಾಗಿ ಚಿರತೆ ಮೇಲೆ ಮುಗಿಬಿದ್ದಿದ್ದರು. ಈ ದಾಳಿ ಬಹುಶಃ ಚಿರತೆಗೂ ಅನಿರೀಕ್ಷಿತ. ಹೀಗಾಗಿ ದಾಳಿ ಮಾಡಲು ಬಂದಷ್ಟೇ ವೇಗದಲ್ಲಿ ಚಿರತೆ ಈ ಗುಂಪಿನಿಂದ ತಪ್ಪಿಸಿಕೊಂಡು ಕಾಡು ಸೇರಿತ್ತು. ಆದರೂ ಒಂದಷ್ಟು ದೂರ ಈ ಚಿರತೆಯನ್ನು ಕೋತಿಗಳು ಅಟ್ಟಿಸಿಕೊಂಡು ಹೋಗುವುದನ್ನು ಇಲ್ಲಿ ನೋಡಬಹುದು.
https://twitter.com/AMAZlNGNATURE/status/1789527419436638574?ref_src=twsrc%5Etfw%7Ctwcamp%5Etweetembed%7Ctwterm%5E1789527419436638574%7Ctwgr%5E8583695d946bffd7f48445cda3a69711d12a89bb%7Ctwcon%5Es1_&ref_url=https%3A%2F%2Fvijaykarnataka.com%2Fviral-adda%2Ftrending%2Fvideo-of-encounter-between-leopard-and-baboons-is-going-viral-see-what-happened-next%2Farticleshow%2F110086374.cms
ಜಾಹೀರಾತು ನೀಡಲು ಸಂಪರ್ಕಿಸಿ
Phone Number : +91-9164072277
Email id : salesatfreedomtv@gmail.com
