ತಮಿಳುನಾಡು ಶಾಸಕರಿಗೆ ಖಾತೆ ಹಂಚಿಕೆ- ಪ್ರಮುಖ ಖಾತೆಗಳು ವಿಜಯ್ ತೆಕ್ಕೆಗೆ!
Tamilnadu govt new portfolio in TVK government
ಚೆನ್ನೈ: ವಿಜಯ್ ಸಾರಥ್ಯದ ಟಿವಿಕೆ ಸರ್ಕಾರ ಆಡಳಿತಕ್ಕೆ ಬಂದ ನಂತರ ನೂತನ ಸಚಿವ ಸಂಪುಟದ ಖಾತೆ ಹಂಚಿಕೆ ಪ್ರಕ್ರಿಯೆ ಅಧಿಕೃತವಾಗಿ ಪ್ರಕಟವಾಗಿದೆ. ಹಿರಿಯರಿಗೆ ಗೌರವಯುತ ಖಾತೆಗಳೂ ಹಾಗೂ ಯುವಕರಿಗೆ ಆದ್ಯತೆ ನೀಡುವ ಖಾತೆಗಳನ್ನು ನೀಡುವ ಮೂಲಕ ಸಮತೋಲಿತ ಸಚಿವ ಸಂಪುಟವನ್ನು ರೂಪಿಸಿರುವ ವಿಜಯ್ ಕಾರ್ಯವೈಖರಿಯನ್ನು ಕಂಡು ವಿರೋಧಪಕ್ಷಗಳು ಆಶ್ಚರ್ಯಚಕಿತವಾಗಿವೆ.
ಪ್ರಮುಖ ಸಂಪುಟ ದರ್ಜೆಯ ಖಾತೆಗಳ ವಿವರ
| ಸಚಿವರ ಹೆಸರು | ಹಂಚಿಕೆಯಾದ ಖಾತೆಗಳು / ಇಲಾಖೆಗಳು |
| ಎನ್. ಆನಂದ್ | ಗ್ರಾಮೀಣಾಭಿವೃದ್ಧಿ, ಪಂಚಾಯತ್ ರಾಜ್, ಜಲಸಂಪನ್ಮೂಲ ಹಾಗೂ ಬಡತನ ನಿರ್ಮೂಲನೆ. |
| ಆಧವ್ ಅರ್ಜುನ | ಸಾರ್ವಜನಿಕ ಕಾಮಗಾರಿ (PWD), ಹೆದ್ದಾರಿಗಳು ಹಾಗೂ ಕ್ರೀಡಾ ಅಭಿವೃದ್ಧಿ. |
| ಆರ್. ನಿರ್ಮಲ್ ಕುಮಾರ್ | ಇಂಧನ (ವಿದ್ಯುತ್), ಕಾನೂನು, ನ್ಯಾಯಾಲಯಗಳು, ಕಾರಾಗೃಹ ಹಾಗೂ ಭ್ರಷ್ಟಾಚಾರ ತಡೆ. |
| ರಾಜ್ಮೋಹನ್ | ಶಾಲಾ ಶಿಕ್ಷಣ, ತಮಿಳು ಅಭಿವೃದ್ಧಿ, ಮಾಹಿತಿ ಮತ್ತು ಪ್ರಚಾರ, ಸಿನಿಮಾಟೋಗ್ರಾಫಿ |
| ಡಾ. ಕೆ.ಜಿ. ಅರುಣ್ರಾಜ್ | ಆರೋಗ್ಯ, ವೈದ್ಯಕೀಯ ಶಿಕ್ಷಣ ಹಾಗೂ ಕುಟುಂಬ ಕಲ್ಯಾಣ. |
| ಪಿ. ವೆಂಕಟರಮಣನ್ | ಆಹಾರ ಮತ್ತು ನಾಗರಿಕ ಸರಬರಾಜು, ಗ್ರಾಹಕ ಸಂರಕ್ಷಣೆ ಹಾಗೂ ಬೆಲೆ ನಿಯಂತ್ರಣ. |
| ಡಾ. ಟಿ.ಕೆ. ಪ್ರಭು | ನೈಸರ್ಗಿಕ ಸಂಪನ್ಮೂಲ, ಗಣಿ ಮತ್ತು ಖನಿಜ ಇಲಾಖೆ. |
ಸಿಎಂ ವಿಜಯ್ ಬತ್ತಳಿಕೆಯಲ್ಲಿ ಪ್ರಮುಖ ಖಾತೆಗಳು!
ಮುಖ್ಯಮಂತ್ರಿ ವಿಜಯ್ ಅವರು ಆಡಳಿತದ ಚುಕ್ಕಾಣಿಯನ್ನು ಭದ್ರವಾಗಿ ಹಿಡಿದಿದ್ದು, ಅತಿ ಪ್ರಮುಖ ಇಲಾಖೆಗಳನ್ನು ತಮ್ಮ ಬಳಿಯೇ ಉಳಿಸಿಕೊಂಡಿದ್ದಾರೆ.ಗೃಹ ಇಲಾಖೆ, ಪೊಲೀಸ್, ಸಾರ್ವಜನಿಕ ಆಡಳಿತ, ನಗರಾಡಳಿತ ಹಾಗೂ ನಗರ ನೀರು ಸರಬರಾಜು,ಸಮಾಜ ಕಲ್ಯಾಣ,ಮಹಿಳಾ ಮತ್ತು ಮಕ್ಕಳ ಕಲ್ಯಾಣ,ಯುವಜನ ಕಲ್ಯಾಣ ಹಾಗೂ ವಿಕಲಚೇತನರ ಕಲ್ಯಾಣ ಇಲಾಖೆಗಳ ಜವಾಬ್ದಾರಿಯನ್ನೂ ಸ್ವತಃ ಮುಖ್ಯಮಂತ್ರಿಗಳೇ ನಿರ್ವಹಿಸಲಿದ್ದಾರೆ.ಇದು ಹಲವರ ಅಸಮಾಧಾನಕ್ಕೆ ಕಾರಣವಾಗಿದೆ.
ಹಿರಿಯರಿಗೆ ಹಣಕಾಸು, ಕಿರಿಯರಿಗೆ ಕೈಗಾರಿಕೆ!
ಹಿರಿಯ ನಾಯಕ ಕೆ.ಎ. ಸೆಂಗೊಟ್ಟಯ್ಯನ್ ಅವರಿಗೆ ಅತ್ಯಂತ ಜವಾಬ್ದಾರಿಯುತ ಹಣಕಾಸು ಮತ್ತು ಪಿಂಚಣಿ ಇಲಾಖೆಯನ್ನು ನೀಡಲಾಗಿದೆ.ಕಿರಿಯರಾದ ಸೆಲ್ವಿ ಎಸ್. ಕೀರ್ತನಾರವರಿಗೆ ಕೈಗಾರಿಕೆ ಹಾಗೂ ಹೂಡಿಕೆ ಪ್ರೋತ್ಸಾಹ ಇಲಾಖೆ ನೀಡಲಾಗಿದೆ. ಮಹಿಳಾ ಸಚಿವೆಗೆ ಇಂತಹ ಪ್ರಮುಖ ಖಾತೆ ನೀಡಿರುವುದು ತಮಿಳುನಾಡು ರಾಜಕೀಯದಲ್ಲಿ ಹೊಸ ಇತಿಹಾಸ ಸೃಷ್ಟಿಸಿದೆ.
ಆಡಳಿತಕ್ಕೆ ಹೊಸ ವೇಗ?
ಮುಖ್ಯಮಂತ್ರಿ ವಿಜಯ್ ಅವರು ಯುವಕರಿಗೆ ಮತ್ತು ತಾಂತ್ರಿಕವಾಗಿ ಪರಿಣತಿ ಹೊಂದಿದವರಿಗೆ (ವೈದ್ಯರು ಮತ್ತು ತಜ್ಞರು) ಹೆಚ್ಚಿನ ಪ್ರಾಮುಖ್ಯತೆ ನೀಡಿರುವುದು ಗಮನಾರ್ಹ. ವಿಶೇಷವಾಗಿ ಶಿಕ್ಷಣ ಮತ್ತು ಆರೋಗ್ಯ ಕ್ಷೇತ್ರಕ್ಕೆ ವಿಶೇಷ ಒತ್ತು ನೀಡಲಾಗಿದ್ದು, ನೂತನ ಸಚಿವರು ಇಂದಿನಿಂದಲೇ ತಮ್ಮ ಜವಾಬ್ದಾರಿಗಳನ್ನು ವಹಿಸಿಕೊಳ್ಳಲಿದ್ದಾರೆ.
#FreedomTV #TamilNaduPolitics #CMVijay #CabinetPortfolio #VijayCabinet #TamilNaduNews #TVK #PoliticalUpdate #NewGovernment #Sengottaiyan #Keerthana #TNPolitics2026 #ತಮಿಳುನಾಡು #ಸಿಎಂವಿಜಯ್ #ಖಾತೆಹಂಚಿಕೆ #ರಾಜಕೀಯಸುದ್ದಿ
