ಭಾರತದ ಹೆಮ್ಮೆಯ ಬಿಎಸ್ಎನ್ಎಲ್ ಈಗ ಮತ್ತೆ ನಿಮ್ಮ ಮೊಬೈಲ್ಗಳಿಗೆ ಬರೋಕೆ ರೆಡಿಯಾಗ್ತಿದೆ.. ಒಂದು ಕಾಲದಲ್ಲಿ ಇಡೀ ಭಾರತದ ಟೆಲಿಕಾಂ ಕ್ಷೇತ್ರವನ್ನ ಆಳಿದ್ದು ಇದೇ ಸರ್ಕಾರಿ ಸ್ವಾಮ್ಯದ ಬಿಎಸ್ಎನ್ಎಲ್.. ಏರ್ಟೆಲ್, ಜಿಯೋ, ಮುಂತಾದ ಖಾಸಗಿ ಟೆಲಿಕಾಂಗಳಿಂದ ಸರ್ಕಾರಿ ಬಿಎಸ್ಎನ್ಎಲ್ ಮಂಕಾಗಿತ್ತು.. ಅತಿ ಕಡಿಮೆ ಖರ್ಚಿನ ಬಿಎಸ್ಎನ್ಎಲ್ ನೆಟ್ವರ್ಕ್ ಜಾಸ್ತಿ ಇಲ್ಲದ ಕಾರಣಕ್ಕೆ ಹೆಚ್ಚಿನ ಜನ ಇದನ್ನ ಬಳಸ್ತಿರಲಿಲ್ಲ.. ಆದ್ರೆ ಈಗ ಇದೇ ಬಿಎಸ್ಎನ್ಎಲ್ ರಿಟರ್ನ್ಸ್ ಆಗ್ತಿದೆ.. ಇದ್ರಿಂದ ಜಿಯೋ, ಏರ್ಟೆಲ್ಗೆ ಭಾರಿ ನಡುಕ ಶುರು ಆಗಿದೆ.
ಭಾರತೀಯ ಸಂಚಾರ ನಿಗಮ ಲಿಮಿಟೆಡ್ ತನ್ನ ಬಳಕೆದಾರರಿಗೆ ಒಂದು ದೊಡ್ಡ ಸುದ್ ಕೊಟ್ಟಿದೆ. ಶೀಘ್ರದಲ್ಲೇ ಅನೇಕ ನಗರಗಳಲ್ಲಿ ತನ್ನ 5G ಸೇವೆಗಳನ್ನು ಪ್ರಾರಂಭಿಸಲಿದೆ. ಇದರ ಜೊತೆಗೆ ಡೇಟ್ ಕೂಡ ಅನೌನ್ಸ್ ಮಾಡ್ತಿದೆ.
ಬಿಎಸ್ಎನ್ಎಲ್ ಈಗ ದೆಹಲಿ, ಜೈಪುರ, ಲಕ್ನೋ, ಚಂಡೀಗಢ, ಭೋಪಾಲ್, ಕೋಲ್ಕತ್ತಾ, ಹೈದರಾಬಾದ್ ಮತ್ತು ಚೆನ್ನೈನಂತಹ ನಗರಗಳಲ್ಲಿ ತನ್ನ 5G ಸೇವೆಯನ್ನು ಒದಗಿಸಲಿದೆ. ಇತ್ತೀಚೆಗೆ ಬಿಎಸ್ಎನ್ಎಲ್ ಹೈದರಾಬಾದ್ನಲ್ಲಿ ಕ್ಯೂ-5G ಸೇವೆಯನ್ನು ಪ್ರಾರಂಭಿಸಿತ್ತು.
ಸೆಪ್ಟೆಂಬರ್ ಅಂತ್ಯದ ವೇಳೆಗೆ 5G ಪ್ರಾರಂಭಿಸುವುದು ಖಚಿತ ಎಂದು ವರದಿಗಳು ಹೇಳಿವೆ. ದೇಶಾದ್ಯಂತ 5G ಸೇವೆಗಳನ್ನು ಹಂತ ಹಂತವಾಗಿ ಪ್ರಾರಂಭಿಸಲಾಗುವುದು ಎಂದು ಬಿಎಸ್ಎನ್ಎಲ್ ಹೇಳಿದೆ. ಇದಕ್ಕಾಗಿ ಸ್ಥಾಪಿಸಲಾದ ಒಂದು ಲಕ್ಷ ಟವರ್ಗಳು ಶೀಘ್ರದಲ್ಲೇ ಉತ್ತಮವಾಗಿ ಕಾರ್ಯನಿರ್ವಹಿಸಲು ಪ್ರಾರಂಭಿಸುತ್ತವೆ ಮತ್ತು ಗುಣಮಟ್ಟದಲ್ಲಿ ಯಾವುದೇ ಕೊರತೆ ಇರುವುದಿಲ್ಲ.
ಪ್ರಸ್ತುತ BSNL ತನ್ನ 5G ತನ್ನ ಪ್ಲ್ಯಾನ್ ಅನ್ನು ಘೋಷಿಸಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ಬಿಎಸ್ಎನ್ಎಲ್ನ 5G ಬೆಲೆ ಎಷ್ಟಿರುತ್ತದೆ ಎಂದು ತಿಳಿಯಲು ಜನರು ಕೂಡ ಕಾಯುತ್ತಿದ್ದಾರೆ. ಇದು ಖಾಸಗಿ ಟೆಲಿಕಾಂಗೆ ಸಾಕಷ್ಟು ಸ್ಪರ್ಧೆಯನ್ನ ಕೂಡ ಕೊಡೋದು ಪಕ್ಕಾ.
