ಪ್ರಿ ವೆಡ್ಡಿಂಗ್ ಕಾರ್ಯಕ್ರಮದ ಬಳಿಕ ಉದ್ಯಮಿ ಮುಕೇಶ್ ಅಂಬಾನಿಯವರ ಮಗ ಅನಂತ್ ಹಾಗೂ ರಾಧಿಕಾ ಮರ್ಚೆಂಟ್ ಅವರ ವಿವಾಹಕ್ಕೆ ಮುಹೂರ್ತ ಫಿಕ್ಸ್ ಆಗಿದೆ.
ಜುಲೈ 12 ರಿಂದ ಮುಂಬೈನ ಬಾಂದ್ರಾ- ಕುರ್ಲಾ ಕಾಂಪ್ಲೆಕ್ಸ್ ನಲ್ಲಿರುವ ಜಿಯೋ ಓಲ್ಡ್ ಕನ್ವೆನ್ಷನ್ ಸೆಂಟರ್ ನಲ್ಲಿ ಮೂರು ದಿನಗಳ ಅದ್ದೂರಿ ವಿವಾಹ ನೆರವೇರಲಿದೆ. ವಿವಾಹವನ್ನು ಹಿಂದೂ ವೈದಿಕ ಸಂಪ್ರದಾಯದಂತೆ ನಡೆಸಲಾಗುತ್ತದೆ.ಜುಲೈ 12ರಂದು ಮದುವೆಯ ಮುಹೂರ್ತ ಸಮಾರಂಭ ಜರುಗಲಿದೆ. 13ರಂದು ಶನಿವಾರ ಶುಭ ಆಶೀರ್ವಾದ ಕಾರ್ಯಕ್ರಮ ನಡೆಯಲಿದೆ.. 14ರ ಭಾನುವಾರ ಆರತಕ್ಷತೆ ನಡೆಯಲಿದೆ ಎಂದು ವಿವಾಹದ ಆಹ್ವಾನ ಪತ್ರಿಕೆಯಲ್ಲಿ ಉಲ್ಲೇಖಿಸಲಾಗಿದೆ.
ಇನ್ನು ಈ ಮದುವೆ ಮಹೋತ್ಸವಕ್ಕೆ ಆಗಮಿಸುವವರಿಗೆ ವಸ್ತ್ರ ಸಂಹಿತ ಸಹ ಇದೆ.ಮೊದಲ ದಿನ ಜುಲೈ 12ರಂದು ಮದುವೆಯ ಪ್ರಮುಖ ಕಾರ್ಯಕ್ರಮ ಶುಭ ವಿವಾಹಕ್ಕೆ ಬರುವವರು ಭಾರತದ ಸಾಂಪ್ರದಾಯಿಕ ಉಡುಗೆ ತೊಟ್ಟು ಬರಬೇಕು. ಎರಡನೇ ದಿನ ಜುಲೈ 13ರಂದು ಶನಿವಾರ ಶುಭ ಆಶೀರ್ವಾದ ಕಾರ್ಯಕ್ರಮದಲ್ಲಿ ಭಾರತೀಯ ಫಾರ್ಮಲ್ ಉಡುಗೆ ತೊಡಬೇಕು.
ಮೂರನೇ ದಿನ ಜುಲೈ 14ರಂದು ಆರತಕ್ಷೆಗೆ ಬರುವವರು ಸೀರೆ, ಲೆಹೆಂಗಾ, ಶೇರ್ವಾನಿಯಂತಹ ಇಂಡಿಯನ್ ಕೊಡುಗೆಗಳನ್ನು ತೊಟ್ಟು ಬರಬೇಕಿದೆ. ಗುಜರಾತ್ ನ ಜಾಮ್ ನಗರದಲ್ಲಿ ಇತ್ತೀಚೆಗೆ ನಡೆದ ವಿವಾಹಪೂರ್ವ ಕಾರ್ಯಕ್ರಮದಲ್ಲಿ ಮೆಟಾ ಸಂಸ್ಥಾಪಕ ಜುಕರ್ಬರ್ಗ್, ಮೈಕ್ರೋಸಾಫ್ಟ್ ಸಹಸಂಪಾಪಕ ಬಿಲ್ ಗೇಟ್ಸ್, ಕ್ರಿಕೆಟಿಗರಾದ ಸಚಿನ್ ತೆಂಡೂಲ್ಕರ್, ಎಂ ಎಸ್ ಧೋನಿ, ಬಾಲಿವುಡ್ ನ ತಾರೆಯರು 1200 ಅತಿಥಿಗಳು ಭಾಗವಹಿಸಿದ್ದರು.ಅನಂತ ಅಂಬಾನಿ ತಮ್ಮ ಬಹುಕಾಲದ ಗೆಳತಿ ರಾಧಿಕಾ ಮರ್ಚೆಂಟ್ ಅವರ ಜೊತೆ 2023ರ ಜನವರಿ 19ರಂದು ಮುಂಬೈನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು.. ಇದೀಗ ಸದ್ಯದಲ್ಲೇ ಇವರ ವಿವಾಹ ಮಹೋತ್ಸವ ಜರುಗಲಿದೆ.
