ಇಸ್ರೇಲ್ ಮೇಲೆ ಲೆಬನಾನ್ ಭೂಭಾಗದಿಂದ ನಡೆದ ವಿಧ್ವಂಸಕ ಕ್ಷಿಪಣಿ ದಾಳಿಯಲ್ಲಿ ಭಾರತೀಯರೊಬ್ಬರು ಸಾವನ್ನಪ್ಪಿದ ಘಟನೆ ಇಸ್ರೇಲ್ ಉತ್ತರ ಗಡಿಯ ಮಾರ್ಗಲಿಯಟ್ ಎಂಬಲ್ಲಿ ನಡೆದಿದೆ. ಇಬ್ಬರು ಭಾರತೀಯರು ಗಾಯಗೊಂಡಿದ್ದಾರೆ.
ಮೃತರನ್ನು ಕೇರಳದ ಕೊಲ್ಲಂ ಮೂಲದ ನಿಬಿನ್ ಮ್ಯಾಕ್ಸ್ವೆಲ್ ಎಂದು ಗುರುತಿಸಲಾಗಿದೆ. ಸದ್ಯ ನಿಬಿನ್ ಮ್ಯಾಕ್ಸ್ವೆಲ್ ಮೃತದೇಹ ಸ್ಥಳೀಯ ಯಹೋದಿ ಆಸ್ಪತ್ರೆಯಲ್ಲಿ ಇದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಗಾಯಾಳುಗಳನ್ನು ಬುಷ್ ಜೋಸೇಫ್ ಜಾರ್ಜ್, ಪೌಲ್ ಮೆಲ್ವಿನ್ ಎಂದು ಗುರುತಿಸಲಾಗಿದೆ. ಪೌಲ್ಗೆ ವೈದ್ಯರು ಶಸ್ತ್ರಚಿಕಿತ್ಸೆ ಮಾಡಲಾಗಿದೆ. ಭಾರತದಲ್ಲಿರುವ ಕುಟುಂಬಸ್ಥರ ಜೊತೆ ಪಾಲ್, ಜೋಸೇಫ್ ಮಾತನಾಡಿದ್ದಾರೆ.
ವಿಧ್ವಂಸಕ ಕ್ಷಿಪಣಿ ದಾಳಿ ಹೆಜ್ಬುಲ್ಲಾ ಕೃತ್ಯ ಎಂದು ಶಂಕಿಸಲಾಗಿದೆ. ಹಮಾಸ್ ಬೆಂಬಲಿಸಿ ಈ ಗ್ರೂಪ್ ಅಕ್ಟೋಬರ್ 8ರಿಂದ ಉತ್ತರ ಇಸ್ರೇಲ್ ಮೇಲೆ ಆಗಾಗ ದಾಳಿ ನಡೆಸುತ್ತಿದೆ. ಇದಕ್ಕೆ ಪ್ರತೀಕಾರವಾಗಿ ಹೆಜ್ಬುಲ್ಲಾ ಸ್ಥಾವರಗಳ ಮೇಲೆ ಐಡಿಎಫ್ ದಾಳಿ ನಡೆಸಿದೆ.
