ಬೆಂಗಳೂರು: ನಟ ದರ್ಶನ್ ಪರಪ್ಪನ ಅಗ್ರಹಾರ ಜೈಲು ಸೇರಿದ ಮೇಲೆ ಅವರ ಕೈದಿ ನಂಬರ್ ಸಾಕಷ್ಟು ಪ್ರಚಾರ ಪಡೆದುಕೊಂಡಿತ್ತು. ಆದರೆ ಈಗ ಬಳ್ಳಾರಿ ಜೈಲಿಗೆ ಹೋಗುವಾಗ ದರ್ಶನ್ ಧರಿಸಿದಂತ ಪೂಮಾ ಟೀ ಶರ್ಟ್ ವೈರಲ್ ಆಗಿದ್ದು ಫುಲ್ ಟ್ರೆಂಡಿಂಗ್ನಲ್ಲಿ ಇದೆ.
ಬೆಂಗಳೂರಿನಿಂದ ಬಳ್ಳಾರಿ ಕೇಂದ್ರ ಕಾರಾಗೃಹಕ್ಕೆ ಹೋಗುವಾಗ ದರ್ಶನ್ ಅವರು ಪೂಮಾ ಎಂದು ಬರೆದಿರುವ ಕಪ್ಪು ಬಣ್ಣದ ಟೀಶರ್ಟ್ ಹಾಗೂ ಬ್ಲೂ ಕಲರ್ ಜೀನ್ಸ್ ಹಾಕಿಕೊಂಡಿದ್ದರು. ಆದರೆ ದರ್ಶನ್ ಧರಿಸಿದಂತ ಸೇಮ್ ಟು ಸೇಮ್ ಪೂಮಾ ಟೀಶರ್ಟ್ ಅನ್ನು ಅವರ ಅಭಿಮಾನಿಗಳು ಕೂಡ ಹಾಕಿಕೊಂಡಿದ್ದಾರೆ. ಪೂಮಾ ಟೀಶರ್ಟ್ ಧರಿಸಿ ಫೋಟೋಗಳಿಗೂ ಪೋಸ್ ಕೊಟ್ಟಿದ್ದಾರೆ.
ದರ್ಶನ್ ಅವರ ಕೈದಿ ನಂಬರ್ 6106 ಬೆನ್ನಲ್ಲೇ ಟೀ ಶರ್ಟ್ ಟ್ರೆಂಡಿಂಗ್ನಲ್ಲಿದೆ. ದರ್ಶನ್ಗೆ ಕೈದಿ ನಂಬರ್ ನೀಡಿದಾಗ ಸಾಕಷ್ಟು ಅಭಿಮಾನಿಗಳು 6106 ನಂಬರ್ ಅನ್ನು ತಮ್ಮ ದೇಹದ ಹಚ್ಚೆ ಹಾಕಿಸಿಕೊಂಡಿದ್ದರು. ಕಾರು, ಬೈಕ್ ಮೇಲೆಯು ಕೈದಿ ನಂಬರ್ ಅನ್ನು ಸ್ಟಿಕ್ಕರ್ ಮಾಡಿಸಿದ್ದರು. ಬೆಂಗಳೂರಿನಿಂದ ಬಳ್ಳಾರಿಗೆ ದರ್ಶನ್ ಅವರನ್ನು ಸ್ಥಳಾಂತರ ಮಾಡಿದ ಮೇಲೆ 511 ಕೈದಿ ನಂಬರ್ ನೀಡಲಾಗಿತ್ತು. ಈ ನಂಬರ್ ಅನ್ನು ಅಭಿಮಾನಿಗಳು ಟೀಶರ್ಟ್ ಹಾಗೂ ವಾಹನಗಳ ಮೇಲೆ ಹಾಕಿಕೊಂಡಿದ್ದರು. ಈ ಎಲ್ಲ ಆದ ಮೇಲೆ ಇದೀಗ ದರ್ಶನ್ ಅವರು ಬಳ್ಳಾರಿ ಜೈಲಿನಲ್ಲಿ ಹಾಕಿಕೊಂಡಂತ ಟೀಶರ್ಟ್ ಸಖತ್ ಟ್ರೆಂಡ್ ಆಗುತ್ತಿದೆ. ಇನ್ನು ಬಳ್ಳಾರಿ ಜೈಲಿಗೆ ದರ್ಶನ್ ಹೋಗಿ 3 ದಿನಗಳು ಆಗಿದ್ದು ಅಂದಿನಿಂದ ಒಂದೇ ಟೀಶರ್ಟ್ನಲ್ಲಿ ಇದ್ದಾರೆ ಎಂದು ಹೇಳಲಾಗುತ್ತಿದೆ.
