ಐಎಎಸ್ ಅಧಿಕಾರಿಣಿಯ ಒಂದು ಸೀರೆಯ ಕತೆ

ಖಡಕ್ ಅಧಿಕಾರಿಯಾಗಿರುವ IAS ಪಲ್ಲವಿ ಅಕುರಾತಿ, ಸಿಂಪಲ್ ಆಗಿ ಸದಾ ಸೀರೆಯಲ್ಲೇ ಕಾಣಿಸಿಕೊಳ್ಳುತ್ತಾರೆ. 2009ರ ಬ್ಯಾಚ್‌ನ ಕರ್ನಾಟಕ ಕೇಡರ್ ಐಎಎಸ್ ಅಧಿಕಾರಿಯಾಗಿದ್ದು, ಪ್ರಸ್ತುತ ಸಕಾಲ ಮಿಷನ್‌ನ ಹೆಚ್ಚುವರಿ ನಿರ್ದೇಶಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಒಮ್ಮೆ ಶಾಪಿಂಗ್​​ಗೆ ಟೈಂ ಇಲ್ಲ ಅಂತಾ ಆನ್​​ಲೈನ್​ನಲ್ಲಿ 850 ರೂಪಾಯಿ ಕೊಟ್ಟು ಮಧುರೈ ಸೀರೆ ಖರೀದಿಸಿದ್ರು. ಯೂಟ್ಯೂಬ್​​​​ನಲ್ಲಿ ನೋಡಿ ಪೂರ್ಣಿಮಾ ಕಲೆಕ್ಷನ್​​​​​​ನಲ್ಲಿ ಸೀರೆ ಆರ್ಡರ್ ಮಾಡಿದ್ರು. ಇವತ್ತು ಬರುತ್ತೆ.. ನಾಳೆ ಬರುತ್ತೆ.. ಅಂತಾ ಕಾದು ಕಾದು ಸುಸ್ತಾದ ಪಲ್ಲವಿ ಮೇಡಂಗೆ, ಕೊನೆಗೂ ಬುಕ್ ಮಾಡಿದ್ದ 850 ಮೌಲ್ಯದ ಸೀರೆ ಬರಲೇ ಇಲ್ಲ. ಫೋನ್ ಮಾಡಿದ್ರೆ ನೋ ರೆಸ್ಪಾನ್ಸ್.. ಮೆಸೇಜ್​​ಗೆ ನೋ ರಿಪ್ಲೇ.. ಇದ್ರಿಂದ ಕೆರಳಿ ಕೆಂಡದಂತಾದ ಪಲ್ಲವಿ ಅಕುರಾತಿ, ನನ್ನಂತೆ ಹಲವರಿಗೂ ದೋಖಾ ಆಗಿರಬಹುದೆಂದು ತಿಳಿದು, ಪೂರ್ವ ವಿಭಾಗದ ಸೈಬರ್ ಕ್ರೈಂ ಪೊಲೀಸರಿಗೆ ದೂರು ನೀಡಿದ್ದಾರೆ.ಇತ್ತೀಚೆಗೆ ಆನ್​​​​ಲೈನ್​​​​ನಲ್ಲಿ ವಂಚನೆ ಪ್ರಕರಣಗಳು ಹೆಚ್ಚಿವೆ. ಆದೆಷ್ಟೋ ಮಂದಿಗೆ ಈ ರಿತಿ ವಂಚನೆ ಮಾಡಿದ್ದಾರೆ ಅನ್ನೋ ಆರೋಪ ಕೇಳಿ ಬಂದಿದೆ. ಹೀಗಾಗಿ ಇನ್ಮುಂದೆ ಈ ರೀತಿ ವಂಚನೆ ಘಟನೆಗಳು ಆಗದಿರಲೆಂದು, 850 ರೂಪಾಯಿಯನ್ನಷ್ಟೇ ಕಳೆದುಕೊಂಡಿದ್ರು, ದೂರು ನೀಡಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯೆ ಪಡೆಯಲು ಫ್ರೀಡಂ ಟಿವಿ, ಪಲ್ಲವಿ ಅಕುರಾತಿ ಅವರನ್ನು ಸಂಪರ್ಕಿಸಿದಾಗ, ಅವರು ಇದು ನನ್ನ ಖಾಸಗಿ ವಿಚಾರ. ಈ ವಿಚಾರ ಹೇಗೆ ಬಯಲಿಗೆ ಬಂತು ಎಂಬುದು ಗೊತ್ತಿಲ್ಲ. ಈ ಬಗ್ಗೆ ನಾನು ಮಾತಾಡಲ್ಲ. ಡೋಂಟ್ ಡಿಸ್ಟರ್ಬ್​​ ಮೀ ಎಂದು ಹೇಳಿದ್ರು.