ಕ್ರೈಂ ಸ್ಟೋರಿಸುದ್ದಿ
48 ಗಂಟೆಯಲ್ಲಿ ಮಣಿಪುರ ಹಿಂಸಾಚಾರದಲ್ಲಿ ಇಬ್ಬರು ಮಹಿಳೆಯರ ಹತ್ಯೆ…!
ಮಣಿಪುರದಲ್ಲಿ ನಡೆದ ಹಿಂಸಾಚಾರ ಘಟನೆಯಲ್ಲಿ ಕಳೆದ 48 ಗಂಟೆಗಳಲ್ಲಿ ಇಬ್ಬರು ಮಹಿಳೆಯರನ್ನು ಹತ್ಯೆ ಮಾಡಲಾಗಿದೆ. ಮೂರು ಮಕ್ಕಳ ತಾಯಿಯಾಗಿರುವ ಮಹಿಳೆ ಹೊಲಕ್ಕೆ ಕೆಲಸಕ್ಕೆಂದು ಹೋಗುತ್ತಿರುವಾಗ ದುಷ್ಕರ್ಮಿಯೊಬ್ಬ ಆಕೆಗೆ ಗುಂಡು ಹಾರಿಸಿ ಹತ್ಯೆ ಮಾಡಿದ್ದಾನೆ.
ಶನಿವಾರ ಬಿಷ್ಣುಪುರ್ ಜಿಲ್ಲೆಯ ಸೈಟನ್ ವಾಥಾ ರಸ್ತೆ ಪ್ರದೇಶದಲ್ಲಿ ಶಸ್ತ್ರಸಜ್ಜಿತ ದುಷ್ಕರ್ಮಿಗಳು ಗುಂಡಿನ ದಾಳಿ ನಡೆಸಿದ್ದು, ಮಹಿಳೆ ಸಾವನ್ನಪ್ಪಿದ್ದಾರೆ. ಮೃತ ಮಹಿಳೆಯನ್ನು 39 ವರ್ಷದ ಸಪಮ್ ಒಂಗ್ಬಿ ಸೋಫಿಯಾ ಎಂದು ಗುರುತಿಸಲಾಗಿದೆ, ಸೈಟನ್ ವಾರ್ಡ್ ನಂ. 6 ರ ಎಸ್. ದಯಾನಂದ ಅವರ ಪತ್ನಿ.
ದಪ್ಪಿ ಗ್ರಾಮದ ಸುತ್ತಮುತ್ತಲಿನ ಗುಡ್ಡಗಳ ಮೇಲೆ ನಿಂತಿದ್ದ ದಾಳಿಕೋರರು ಸೈಟನ್-ವಾಥಾ ರಸ್ತೆಯ ಕಡೆಗೆ ಗುಂಡು ಹಾರಿಸಿದ್ದರಿಂದ ದಾಳಿಯು ಬೆಳಿಗ್ಗೆ 10 ಗಂಟೆಗೆ ಸಂಭವಿಸಿದೆ. ಭತ್ತದ ಗದ್ದೆಗೆ ತೆರಳುತ್ತಿದ್ದ ಮಹಿಳೆ ಗುಂಡೇಟಿನಿಂದ ಗಾಯಗೊಂಡು ಸಾವನ್ನಪ್ಪಿದ್ದಾಳೆ. ಜಿರಿಬಾಮ್ ಜಿಲ್ಲೆಯ ಝೈರೌನ್ ಗ್ರಾಮದಲ್ಲಿ ಮಹಿಳೆಯನ್ನು ಅತ್ಯಾಚಾರ ಮಾಡಿ ಸುಟ್ಟು ಹಾಕಲಾಯಿತು.
