ಕೇರಳ: ತುರ್ತು ಭೂಸ್ಪರ್ಶದ ನಂತರ ಒಂದು ತಿಂಗಳಿಗೂ ಹೆಚ್ಚು ಕಾಲ ಕೇರಳದಲ್ಲಿ ಸಿಲುಕಿಕೊಂಡಿದ್ದ ಬ್ರಿಟಿಷ್ ರಾಯಲ್ ನೇವಿಯ F -35 ಬಿ ಫೈಟರ್ ಜೆಟ್ ಇಂದು ತಿರುವನಂತಪುರಂ ವಿಮಾನ ನಿಲ್ದಾಣದಿಂದ ಹೊರಡಿದೆ. ಹೈಡ್ರಾಲಿಕ್ ದೋಷದಿಂದಾಗಿ ಸ್ಟೆಲ್ತ್ ಜೆಟ್ ಕೇರಳದಲ್ಲಿ ನೆಲಕ್ಕೆ ಇಳಿದಿದ್ದು, ಯುಕೆಯ ತಜ್ಞರ ತಂಡವು ದುರಸ್ತಿಗೆ ಬಂದಿತ್ತು.
ಈ ಯುದ್ಧ ವಿಮಾನಕ್ಕೆ ಹಸಿರು ನಿಶಾನೆ ದೊರೆತಿದ್ದು, 5 ವಾರಗಳ ನಂತರ ಮತ್ತೆ ಆಕಾಶಕ್ಕೆ ಹಾರಲು ಅವಕಾಶ ಮಾಡಿಕೊಟ್ಟಿದೆ. ಇಂದು ತಿರುವನಂತಪುರಂ ವಿಮಾನ ನಿಲ್ದಾಣದಿಂದ ವಿಮಾನ ಟೇಕಾಫ್ ಆಗಿದೆ.
ಜೂನ್ 14 ರಂದು ತುರ್ತು ತಿರುವು ನಂತರ ಇಳಿದ ಯುಕೆ ಎಫ್ -35 ಬಿ ವಿಮಾನ ಇಂದು ತಿರುವನಂತಪುರಂ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಹೊರಟಿತು. ಜುಲೈ 6 ರಿಂದ ನಿಯೋಜಿಸಲಾದ ಯುಕೆ ಎಂಜಿನಿಯರಿಂಗ್ ತಂಡವು ದುರಸ್ತಿ ಮತ್ತು ಸುರಕ್ಷತಾ ಪರಿಶೀಲನೆಗಳನ್ನು ಪೂರ್ಣಗೊಳಿಸಿತು. ಇದರಿಂದಾಗಿ ವಿಮಾನವು ಸಕ್ರಿಯ ಸೇವೆಯನ್ನು ಪುನರಾರಂಭಿಸಲು ಅವಕಾಶ ಮಾಡಿಕೊಟ್ಟಿತ ಎಂದು ಬ್ರಿಟಿಷ್ ಹೈಕಮಿಷನ್ ವಕ್ತಾರರು ಭಾರತೀಯ ಅಧಿಕಾರಿಗಳು ಮತ್ತು ವಿಮಾನ ನಿಲ್ದಾಣ ತಂಡಗಳಿಗೆ ಕೃತಜ್ಞತೆ ಸಲ್ಲಿಸಿದರು.
ಐದನೇ ತಲೆಮಾರಿನ ಈ ಸ್ಟೆಲ್ತ್ ಫೈಟರ್ ಯುಕೆಯ HMS ಪ್ರಿನ್ಸ್ ಆಫ್ ವೇಲ್ಸ್ ಕ್ಯಾರಿಯರ್ ಸ್ಟ್ರೈಕ್ ಗ್ರೂಪ್‌ನ ಭಾಗವಾಗಿದೆ, ಇದು ಇಂಡೋ-ಪೆಸಿಫಿಕ್‌ನಲ್ಲಿ ಕಾರ್ಯನಿರ್ವಹಿಸುತ್ತಿದೆ ಮತ್ತು ಇತ್ತೀಚೆಗೆ ಭಾರತೀಯ ನೌಕಾಪಡೆಯೊಂದಿಗೆ ಜಂಟಿ ಕಡಲ ವ್ಯಾಯಾಮಗಳನ್ನು ಪೂರ್ಣಗೊಳಿಸಿದೆ.
ಜೂನ್ 14 ರಂದು ಯುಕೆಯಿಂದ ಆಸ್ಟ್ರೇಲಿಯಾಕ್ಕೆ ಹಾರುತ್ತಿದ್ದ ಜೆಟ್ ವಿಮಾನದಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡು, ಅದನ್ನು ಕೇರಳಕ್ಕೆ ಪರ್ಯಾಯ ಮಾರ್ಗದಲ್ಲಿ ಕರೆದೊಯ್ಯಬೇಕಾಯಿತು. ಕಡಿಮೆ ಇಂಧನ ಮಟ್ಟ ಮತ್ತು ಪ್ರತಿಕೂಲ ಹವಾಮಾನವನ್ನು ಎದುರಿಸುತ್ತಿದ್ದ ಪೈಲಟ್ ಹತ್ತಿರದ ವಿಮಾನ ನಿಲ್ದಾಣದಲ್ಲಿ ತುರ್ತು ಭೂಸ್ಪರ್ಶ ಮಾಡಲು ಆಯ್ಕೆ ಮಾಡಿಕೊಂಡಿದ್ದರು. ಭಾರತೀಯ ವಾಯುಪಡೆಯು ತೊಂದರೆಗೊಳಗಾದ ಜೆಟ್ ಅನ್ನು ರಕ್ಷಿಸಲು ಧಾವಿಸಿತ್ತು. ತಿರುವನಂತಪುರದಲ್ಲಿ ಅದರ ಇಳಿಯುವಿಕೆಯನ್ನು ಸುಗಮಗೊಳಿಸಿದರು ಮತ್ತು ಲಾಜಿಸ್ಟಿಕಲ್ ಬೆಂಬಲವನ್ನು ನೀಡಿದರು.
