ರಷ್ಯಾ ಅಧ್ಯಕ್ಷ ಪುಟಿನ್ ಕಾರು ಅಪಘಾತ

03/30/2025

17

ರಷ್ಯಾ ಅಧ್ಯಕ್ಷ ಪ್ಲಾಡಿಮಿರ್ ಪುಟಿನ್ ಅವರ ಅಧಿಕೃತ ಕಾರು ಎಂದು ನಂಬಲಾದ ಔರಸ್ ಸೆನಾಟ್ ಲಿಮೋಸಿನ್’ ಕಾರು ಮಾಸ್ಕೋದಲ್ಲಿ ಸ್ಫೋಟಗೊಂಡಿದೆ ಎಂದು ವರದಿಯಾಗಿದೆ. ಈ ಘಟನೆ ಮಾರ್ಚ್ 29 ರಂದು ಮಾಸ್ಕೋದ ಲುಬಿಯಾಂಕಾದಲ್ಲಿರುವ ಎಫ್‌ಎಸ್‌ಬಿ ಗುಪ್ತಚರ ಸೇವಾ ಇಲಾಖೆ ಪ್ರಧಾನ ಕಚೇರಿಯ ಉತ್ತರಕ್ಕಿರುವ ರಸ್ತೆಯಲ್ಲಿ ಶುಕ್ರವಾರ ಈ ಘಟನೆ ನಡೆದಿದೆ ಎಂದು ಹೇಳಲಾಗಿದೆ.ಕಾರು ಹೊತ್ತಿ ಉರಿಯುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಪುಟಿನ್ ಅವರನ್ನು ಹತ್ಯೆ ಮಾಡಲು ಈ ಕೃತ್ಯವೆಸಗಲಾಗಿದೆ ಎಂದು ಹೇಳಲಾಗುತ್ತಿದೆ. ಪುಟಿನ್ ಅವರು ಗಣ್ಯರಿಗೆ ಉಡುಗೊರೆ ನೀಡಲು ರಷ್ಯಾ ನಿರ್ಮಿತ ಕಾರುಗಳನ್ನೇ ಬಳಸುತ್ತಾರೆ.ಉತ್ತರ ಕೊರಿಯಾ ಅಧ್ಯಕ್ಷ ಕಿಮ್ ಜಾಂಗ್ ಉನ್ ಅವರಿಗೂ ಅಂತಹದೇ ಒಂದು ಕಾರನ್ನು ನೀಡಿದ್ದಾರೆ ಎಂದು ಹೇಳಲಾಗಿದೆ.ರಷ್ಯಾ ಹಾಗೂ ಉಕ್ರೇನ್ ಸೇನೆಗಳು ಸಂಘರ್ಷ ನಡೆಸುತ್ತಿರುವ ಹೊತ್ತಿನಲ್ಲಿ,ನಡೆದಿರುವ ಈ ಘಟನೆಯು ಪುಟಿನ್ ಅವರ ಭದ್ರತೆಯ ಬಗ್ಗೆ ಕಳವಳವನ್ನುಂಟು ಮಾಡಿದೆ.ಆದರೆ, ಯಾವುದೇ ಸಾವು ನೋವಿನ ವರದಿಯಾಗಿಲ್ಲ. ಹಾಗಾಗಿ, ಕಾರನ್ನು ಯಾರು ಬಳಸುತ್ತಿದ್ದರು ಎಂಬುದು ಇನ್ನೂ ಬಹಿರಂಗವಾಗಿಲ್ಲ. ಕಾರಲ್ಲಿ ಬೆಂಕಿ ಕಾಣಿಸಿಕೊಳ್ಳಲು ಕಾರಣವೇನು ಎಂಬುದೂ ಸ್ಪಷ್ಟವಾಗಿಲ್ಲ..

Post Views: 23