ಪ್ರಧಾನಿ ಮೋದಿಯಿಂದ ಬಿಗ್​ ಅನೌನ್ಸ್​​ಮೆಂಟ್!

ಅಯೋಧ್ಯ : ಅಯೋಧ್ಯೆಯಲ್ಲಿ ಬಾಲರಾಮನ ಪ್ರಾಣ ಪ್ರತಿಷ್ಠಾಪನೆ ದಿನವೇ ಪ್ರಧಾನಿ ಮೋದಿ ಬೆಳಕಿನ ಉಡುಗೊರೆ ನೀಡಿದ್ದಾರೆ.1 ಕೋಟಿ ಮನೆಗಳಿಗೆ ಸೌರಶಕ್ತಿಯನ್ನು ಒದಗಿಸಲು ನಮೋ ಮುಂದಾಗಿದ್ದಾರೆ. ‘ಸೂರ್ಯೋದಯ ಯೋಜನೆ’ಯಲ್ಲಿ 1ಕೋಟಿ ಮನೆಗಳಿಗೆ ರೂಫ್​ಟಾಪ್​ ಸೋಲಾರ್​ ನೀಡುವುದಾಗಿ ಪ್ರಧಾನಿ ಮೋದಿ ತಿಳಿಸಿದರು.ಅಯೋಧ್ಯೆಯಲ್ಲಿ ಧಾರ್ಮಿಕ ಕಾರ್ಯ ಮುಗಿಸಿ ದೆಹಲಿಗೆ ವಾಪಸಾದ ತಕ್ಷಣ ಅಧಿಕಾರಿಗಳೊಂದಿಗೆ ಚರ್ಚಿಸಿ ಪ್ರಧಾನಮಂತ್ರಿ ಸೂರ್ಯೋದಯ ಯೋಜನೆ ಪ್ರಕಟಿಸಿದ್ದಾರೆ. 1 ಕೋಟಿ ಮನೆಗಳಿಗೆ ಸೋಲಾರ್ ಅಳವಡಿಸುವ ಗುರಿಯನ್ನ ಹೊಂದಿರೋದಾಗಿ ತಿಳಿಸಿದರು…

ದೇಶದ ಬಡವರು, ಮಧ್ಯಮ ವರ್ಗಗಳ ಸುಮಾರು 1 ಕೋಟಿ ಮನೆಗಳನ್ನ, ಸೌರಶಕ್ತಿಯಿಂದ ಬೆಳಗಲಿವೆ. ಸೂರ್ಯವಂಶದ ಪ್ರಭು ಶ್ರೀರಾಮನ ಪ್ರಾಣಪ್ರತಿಷ್ಠಾಪನೆ ಬೆನ್ನಲ್ಲೆ ಪ್ರಧಾನಮಂತ್ರಿ ಸೂರ್ಯೋದಯ ಯೋಜನೆ ಎಂದು ಮೋದಿ ಹೆಸರಿಟ್ಟಿದ್ದಾರೆ. ಅಲ್ಲದೆ, ದೇಶದ ಅನೇಕ ಮನೆಗಳ ವಿದ್ಯುತ್ ದರವನ್ನ ಗಣನೀಯವಾಗಿ ಇಳಿಸಲು ನಿರ್ಧರಿಸಿರುವುದಾಗಿ ತಿಳಿಸಿದ್ದಾರೆ.