ಭೀಕರ ಬರಗಾಲದಲ್ಲೂ ಹಾಲು ಉತ್ಪಾದನೆ: ಕೆಎಂಎಫ್ ನಂಬರ್ ಒನ್

ಬೆಂಗಳೂರು : ರಾಜ್ಯದಲ್ಲಿ ಭೀಕರ ಬರಗಾಲದ ಮಧ್ಯೆಯೂ ಹಾಲು ಉತ್ಪಾದನೆಯಲ್ಲಿ ಕೆಎಂಎಫ್ ನಂಬರ್ ಒನ್‌ ಆಗಿ ಹೊರಹೊಮ್ಮಿದೆ. ಈ ಮೂಲಕ ರಾಜ್ಯದಲ್ಲಿ ಹಾಲು ಉತ್ಪಾದನೆಯಲ್ಲಿ ಕೆಎಂಎಫ್ ಹೊಸ ಮೈಲುಗಲ್ಲು ಸ್ಥಾಪಿಸಿದೆ.

ಬರದ ನಡುವೆಯೂ ರಾಜ್ಯದಲ್ಲಿ ಹಾಲಿನ ಹೊಳೆಯೇ ಹರಿದಿದೆ. ಹೌದು, ರಾಜ್ಯದಲ್ಲಿ ಬರಗಾಲ ನಡುವೆಯೂ ಹಾಲಿನ ಉತ್ಪಾದನೆ ಮಾತ್ರ ಕುಗ್ಗಿಲ್ಲ. ಕಳೆದ ಐದು ವರ್ಷದಲ್ಲಿ ಈ ವರ್ಷವೇ ಅತೀ ಹೆಚ್ಚು ಹಾಲು ಉತ್ಪಾದನೆ ಮಾಡಿದೆ.

ಕಳೆದ ತಿಂಗಳು ರಾಜ್ಯದಲ್ಲಿ ನಿತ್ಯ 82.09 ಲಕ್ಷ ಲೀಟರ್ ಹಾಲು ಉತ್ಪಾದನೆ ಆಗುತ್ತಿತ್ತು, ಕಳೆದ ವರ್ಷ ನಿತ್ಯ 74.93.ಲಕ್ಷ ಲೀಟರ್ ಉತ್ಪಾದನೆಯಾಗಿತ್ತು.

2021-22 ಸಾಲಿನಲ್ಲಿ ನಿತ್ಯ 77.96 ಲಕ್ಷ ಲೀಟರ್ ಹಾಲು, 2019-20 ರ ಸಾಲಿನಲ್ಲಿ 69.03 ಲಕ್ಷ ಲೀಟರ್ ಹಾಲು ಉತ್ಪಾದನೆಯಾಗಿದೆ. ಆದ್ರೆ ಈ ಬಾರಿ ಬರದ ಬವಣೆಯನ್ನ ಹೈನುಗಾರಿಕೆ ನೀಗಿಸಿದೆ. ಮುಂದಿನ ದಿನಗಳಲ್ಲಿ ನಿತ್ಯ ಒಂದು ಕೋಟಿ ಲೀ ಹಾಲು ಉತ್ಪಾದನೆ ಗುರಿಯನ್ನ ಕೆಎಂಎಫ್ ಇಟ್ಟುಕೊಂಡಿದೆ.