ಡಾಲಿ ಪಿಕ್ಚರ್ಸ್ನಿಂದ ಹೊಸ ‘ಧಮಾಕ’;ಝೆರಾಕ್ಸ್ ಮೆಷಿನ್ ಗುಟ್ಟೇನು?
ಸ್ಯಾಂಡಲ್ವುಡ್ನ ‘ನಟ ರಾಕ್ಷಸ’ ಡಾಲಿ ಧನಂಜಯ್ ಈಗ ಒಟಿಟಿ ಅಂಗಳಕ್ಕೆ ಭರ್ಜರಿಯಾಗಿ ಎಂಟ್ರಿ ಕೊಡುತ್ತಿದ್ದಾರೆ. ತಮ್ಮ ಸ್ವಂತ ನಿರ್ಮಾಣ ಸಂಸ್ಥೆ ‘ಡಾಲಿ ಪಿಕ್ಚರ್ಸ್’ ಅಡಿಯಲ್ಲಿ ಹೊಸ ವೆಬ್ ಸೀರೀಸ್ ಒಂದನ್ನು ನಿರ್ಮಿಸುವ ಮೂಲಕ ಅಭಿಮಾನಿಗಳಿಗೆ ದೊಡ್ಡ ಸರ್ಪ್ರೈಸ್ ನೀಡಿದ್ದಾರೆ. ಈ ಸರಣಿಯು ಖ್ಯಾತ ಒಟಿಟಿ ಸಂಸ್ಥೆ ‘ಜೀ5’ ಕನ್ನಡದಲ್ಲಿ ಶೀಘ್ರದಲ್ಲೇ ಬಿಡುಗಡೆಯಾಗಲಿದ್ದು, ನಟನೆಯ ಜೊತೆಗೆ ನಿರ್ಮಾಣದಲ್ಲೂ ಧನಂಜಯ್ ಹೊಸ ಹವಾ ಸೃಷ್ಟಿಸಲು ಸಜ್ಜಾಗಿದ್ದಾರೆ.
ಈಗಾಗಲೇ ಸಿನಿಮಾಗಳ ಮೂಲಕ ಸದ್ದು ಮಾಡುತ್ತಿರೋ ಧನಂಜಯ್, ಇದೀಗ ಸಸ್ಪೆನ್ಸ್ ಮತ್ತು ಥ್ರಿಲ್ಲರ್ ಕಥೆಯನ್ನೊಳಗೊಂಡ ವೆಬ್ ಸೀರೀಸ್ ಹೊತ್ತು ತರುತ್ತಿದ್ದಾರೆ. ವಿಶೇಷವೆಂದರೆ, ಈ ಸರಣಿಯ ಪ್ರಚಾರಕ್ಕಾಗಿ ಅವರು ‘ಝೆರಾಕ್ಸ್ ಮೆಷಿನ್’ ಹಿಡಿದು ಬರುತ್ತಿರುವುದು ಎಲ್ಲರಲ್ಲೂ ಕುತೂಹಲ ಮೂಡಿಸಿದೆ. ಈ ಝೆರಾಕ್ಸ್ ಮೆಷಿನ್ ಹಿಂದಿರೋ ಅಸಲಿ ಗುಟ್ಟೇನು ಮತ್ತು ಈ ಕಥೆಯಲ್ಲಿ ಅಂತಹದ್ದೇನಿದೆ ಎಂಬ ಚರ್ಚೆ ಈಗ ಗಾಂಧಿನಗರದಲ್ಲಿ ಜೋರಾಗಿ ನಡೆಯುತ್ತಿದೆ.
ಒಟಿಟಿ ಅಖಾಡಕ್ಕೆ ಮೊದಲ ಬಾರಿಗೆ ಧುಮುಕುತ್ತಿರುವ ‘ಹೆಡ್ ಬುಷ್’ ಖ್ಯಾತಿಯ ನಟ, ಕಿರುತೆರೆಯ ವೀಕ್ಷಕರಿಗೂ ಹತ್ತಿರವಾಗಲು ಈ ಸಾಹಸಕ್ಕೆ ಕೈಹಾಕಿದ್ದಾರೆ. ಸದ್ಯ ಬಿಡುಗಡೆಯಾಗಿರುವ ಪೋಸ್ಟರ್ಗಳು ಮತ್ತು ಮಾಹಿತಿಗಳು ಈ ಸರಣಿಯ ಮೇಲೆ ಭಾರೀ ನಿರೀಕ್ಷೆ ಹುಟ್ಟಿಸಿವೆ.
