ಕೊಡಗು: ಸುಂಟಿಕೊಪ್ಪ ಸಮೀಪದ 7ನೇ ಹೊಸಕೋಟೆ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬೆಳಗ್ಗೆ ಇದ್ದಕ್ಕಿದ್ದಂತೆ ಸಲಗವೊಂದು ಪ್ರತ್ಯಕ್ಷವಾಗಿ ಆತಂಕ ಮೂಡಿಸಿತು.
ಆನೆ ನೋಡಿ ಗಾಬರಿಯಿಂದ ಪ್ರಯಾಣಿಕರು ತಮ್ಮ ವಾಹನಗಳನ್ನು ಯುಟರ್ನ್ ಮಾಡಿಕೊಂಡು ವಾಪಸ್ ಹೋಗಬೇಕಾಯಿತು. ಕಾಡಿನಿಂದ ರಸ್ತೆಗಿಳಿದ ಕಾಡಾನೆ ಗಾಬರಿಯಿಂದ ಯಾವ ಕಡೆ ತೆರಳಬೇಕು ತಿಳಿಯದೇ ರಸ್ತೆಯಲ್ಲೇ ಸ್ವಲ್ಪ ಹೊತ್ತು ನಿಂತು ಸಾರ್ವಜನಿಕರನ್ನು ತಬ್ಬಿಬ್ಬುಗೊಳಿಸಿತು.
ನಂತರ ರಸ್ತೆಯಲ್ಲಿ ಸಾಗಿಬಂದ ಆನೆ ಮೆತ್ತಗೆ ರಸ್ತೆ ಬದಿಯಲ್ಲಿರುವ ತೋಟದ ಗೇಟ್ ಅನ್ನು ಸೊಂಡಲಿನಿಂದ ನೂಕಿ ಒಳಗೆ ನುಸುಳಿಕೊಂಡು ಹೋಯಿತು.
