AC ರಜನೀಕಾಂತ್​ಗೆ ಲೋಕಾಯುಕ್ತ ಬುಲಾವ್​!

ಬೆಂಗಳೂರು: ವಿಶೇಷ ತಹಸೀಲ್ದಾರ್​ ನಾಗರಾಜ್​ ಅವರ ಮನೆಯ ಮೇಲೆ ಲೋಕಾಯುಕ್ತ ದಾಳಿಗೆ ಸಂಬಂಧಪಟ್ಟಂತೆ ಬೆಂಗಳೂರು ದಕ್ಷಿಣ ತಾಲೂಕು AC ರಜನೀಕಾಂತ್​ಗೆ ಬುಲಾವ್​ ನೀಡಿದೆ. ನೆನ್ನೆ ಇಡೀ ದಿನ ಲೋಕಾಯುಕ್ತ ವಿಚಾರಣೆಯನ್ನು ಎದುರಿಸಿದ ರಜನೀಕಾಂತ್​ ವಿಶೇಷ ತಹಸೀಲ್ದಾರ್​ ರವರ ಜೊತೆ ನಂಟಿತ್ತು ಎಂಬುದರ ಬಗ್ಗೆ ವಿವರಣೆಯನ್ನು ಈ ಸಂದರ್ಭದಲ್ಲಿ ನೀಡಿದ್ದಾರೆ. ಹಲವಾರು ವ್ಯವಹಾರಗಳಲ್ಲಿ ನಾಗರಾಜ್​ ರವರ ಜೊತೆ ಸಂಬಂಧ ಹೊಂದಿದ್ದ ಬಗ್ಗೆ ವಿವರಗಳನ್ನು ಅವರು ನೀಡಿದ್ದಾರೆ. ಸುಂಕದಕಟ್ಟೆ, ಗೊಲ್ಲಹಳ್ಳಿಯ ಸರ್ವೇ ನಂಬರ್​ಗಳ ಬಗ್ಗೆ ಲೋಕಾಯುಕ್ತರು ಕೇಳಿದ ಪ್ರಶ್ನೆಗಳಿಗೆ AC ರಜನೀಕಾಂತ್ ತಬ್ಬಿಬ್ಬುಗೊಂಡಿದ್ದಾರೆ. ಉಮೇಶ್​ ಗೌಡರವರ ಮೂಲಕ ವ್ಯವಹಾರ ನಡೆಸುತ್ತಿದ್ದು, ಈ ಸಂಬಂಧ ಹಲವಾರು ಪ್ರಶ್ನೆಗಳಿಗೆ ಉತ್ತರ ನೀಡಿದ್ದಾರೆ.