ಕಟ್ಟಡಕ್ಕೆ ಮುಂಗಾಲಲ್ಲಿ ಬಲ ಕೊಟ್ಟು, ಎರಡು ಕಾಲಿನಲ್ಲಿ ನಿಂತು ಹಲಸಿನ ಹಣ್ಣು ತೆಗೆದ ಆನೆ! : ನೋಡಿ ಈ ದೃಶ್ಯ

ಆನೆಗಳಿಗೆ ಕಬ್ಬು, ಹಲಸಿನ ಹಣ್ಣು ಸೇರಿ ಸಾಕಷ್ಟು ಇಷ್ಟದ ಆಹಾರಗಳಿವೆ. ಇವುಗಳನ್ನು ಕಂಡರೆ ಅವುಗಳು ತಿನ್ನದೇ ಬಿಡುವುದಿಲ್ಲ. ಕಬ್ಬಿನ ಲಾರಿಯನ್ನು ಅಡ್ಡಗಟ್ಟಿ ಪಡೆಯುವ ಸಾಕಷ್ಟು ವಿಡಿಯೋಗಳನ್ನು ನೀವು ನೋಡಿರಬಹುದು. ಇನ್ನು ದಾರಿಗೆ ಅಡ್ಡ ನಿಂತು ಬಾಳೆ ಹಣ್ಣು ಸೇರಿ ಇತರ ತಿನಿಸುಗಳನ್ನು ತಿಂದು ಹೋಗುವ ಆನೆಗಳನ್ನೂ ಕಂಡಿರಬಹುದು. ಬರೀ ಅಷ್ಟೇ ಅಲ್ಲ, ಸಾಗುತ್ತಿರುವಾಗ ಈ ಹಣ್ಣುಗಳು ಕಂಡರೂ ಆನೆಗಳು ಬಿಡುವುದಿಲ್ಲ. ಅದೆಷ್ಟು ಎತ್ತರದಲ್ಲಿ ಇದ್ದರೂ ಸಾಧ್ಯವಾದಷ್ಟು ಇವುಗಳನ್ನು ತಿನ್ನಲು ಇವುಗಳು ಪಯತ್ನಿಸುತ್ತವೆ. ಇದು ಕೂಡಾ ಅಂತಹದ್ದೇ ಒಂದು ದೃಶ್ಯ.

ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಈ ಕ್ಲಿಪ್‌ನಲ್ಲಿ ಜನವಸತಿ ಪ್ರದೇಶಕ್ಕೆ ಎಂಟ್ರಿ ಕೊಟ್ಟ ಆನೆ ಸಾಗುತ್ತಿರುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಹೀಗೆ ಸಾಗುತ್ತಿರುವಾಗ ಈ ಆನೆಗೆ ಹಲಸಿನ ಮರವೊಂದು ಕಾಣಿಸುತ್ತದೆ. ಹಲಸಿನ ಕಾಯಿ ಕೂಡಾ ಕಣ್ಣಿಗೆ ಬೀಳುತ್ತವೆ. ಹೀಗೆ ಇದನ್ನು ಕಂಡ ಕೂಡಲೇ ಕಾರ್ಯಪ್ರವೃತ್ತವಾದ ಈ ಆನೆ ಅಲ್ಲೇ ಇದ್ದ ಕಟ್ಟಡಕ್ಕೆ ತನ್ನ ಮುಂಗಾಲಿನಲ್ಲಿ ಬಲ ಕೊಟ್ಟು, ಎರಡು ಕಾಲಿನಲ್ಲಿ ನಿಂತು, ಸೊಂಡಿಲನ್ನು ಎತ್ತರಕ್ಕೆ ಎತ್ತರಿಸಿ ಹಣ್ಣನ್ನು ಕೆಳಗೆ ಬೀಳಿಸಿದೆ. ಈ ದೃಶ್ಯವನ್ನು ಅಲ್ಲೇ ಇದ್ದವರು ಸೆರೆ ಹಿಡಿದಿದ್ದಾರೆ.

ಇದೊಂದೇ ಅಲ್ಲ, ಈ ಹಿಂದೆ ಕೂಡಾ ಇಂತಹದ್ದೇ ವಿಡಿಯೋವೊಂದು ವೈರಲ್ ಆಗಿತ್ತು. ಈ ಹಿಂದೆ ಐಎಎಸ್ ಅಧಿಕಾರಿ ಸುಪ್ರಿಯಾ ಸಾಹು ಅವರು ಕೂಡಾ ಇಂತಹದ್ದೇ ವಿಡಿಯೋವೊಂದನ್ನು ಹಂಚಿಕೊಂಡಿದ್ದರು. ಈ ವಿಡಿಯೋ ಕೂಡಾ ನೆಟ್ಟಿಗರ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿತ್ತು.

ಇದೊಂದೇ ಅಲ್ಲ, ಈ ಹಿಂದೆ ಕೂಡಾ ಇಂತಹದ್ದೇ ವಿಡಿಯೋವೊಂದು ವೈರಲ್ ಆಗಿತ್ತು. ಈ ಹಿಂದೆ ಐಎಎಸ್ ಅಧಿಕಾರಿ ಸುಪ್ರಿಯಾ ಸಾಹು ಅವರು ಕೂಡಾ ಇಂತಹದ್ದೇ ವಿಡಿಯೋವೊಂದನ್ನು ಹಂಚಿಕೊಂಡಿದ್ದರು. ಈ ವಿಡಿಯೋ ಕೂಡಾ ನೆಟ್ಟಿಗರ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿತ್ತು.