ಉಪ್ಪಿ ‘ಯುಐ’ನಲ್ಲಿ ಪಡ್ಡೆಗಳ ಪಾಪ್‌ಕಾರ್ನ್ ಸನ್ನಿ ಲಿಯೋನ್ ಇರೋದ್ ಕನ್ಫರ್ಮ್, ಸಾಕ್ಷಿ ಬೇಕಾ ಇಲ್ಲಿದೆ.

ಉಪೇಂದ್ರ ನಿರ್ದೇಶನದ ಸಿನಿಮಾ ಅಂದ್ರೆ ಸಹಜವಾಗಿಯೇ ಭಾರತದ ತುಂಬೆಲ್ಲಾ ನಿರೀಕ್ಷೆಯ ಮಹಾಪೂರವೇ ಸೃಷ್ಟಿಯಾಗುತ್ತದೆ. ಈ ಬಾರಿ ಅದು ಜಾಗತಿಕ ನಿರೀಕ್ಷೆಯಾಗಿ ಮಾರ್ಪಟ್ಟಿದೆ. ಇದಕ್ಕೆ ಕಾರಣ, ಈ ಸಿನಿಮಾ ಪ್ಯಾನ್ ಇಂಡಿಯಾ ಎನ್ನುವುದು ಒಂದು..

ನಟ-ನಿರ್ದೇಶಕ ಉಪೇಂದ್ರ (Real Star Upendra) ಮುಂಬರುವ ಚಿತ್ರ ‘ಯು/ಐ’ ದಲ್ಲಿ ಜಗದ್ವಿಖ್ಯಾತ ನಟಿ ಸನ್ನಿ ಲಿಯೋನ್ (sunny Leone) ಇರುವುದು ಪಕ್ಕಾ ಆಗಿದೆ. ಹಾಟ್ ನಟಿ ಸನ್ನಿ ಲಿಯೋನ್ ಅವರು (U/I) ಚಿತ್ರದಲ್ಲಿ ಸಾಂಗ್‌ಗೆ ಮಾತ್ರ ಸೀಮಿತ ಆಗಿದ್ದಾರಾ ಅಥವಾ ಸಿನಿಮಾದಲ್ಲೂ ನಟಿಸಿದ್ದಾರಾ ಎಂಬುದು ಸದ್ಯಕ್ಕೆ ಸಸ್ಪೆನ್ಸ್. ಆದರೆ, ಇಷ್ಟು ದಿನ, ಸಾಂಗ್ ಶೂಟ್ ಮಾಡಿದ್ದರೂ ಕೂಡ, ಸಿನಿಮಾದಲ್ಲಿ ಈ ಹಾಡು ಇರೊತ್ತೋ ಇಲ್ವೋ ಎನ್ನುವುದು ಕನ್ಫರ್ಮ್ ಆಗಿರಲಿಲ್ಲ. ಕಾರಣ, ಅದೆಷ್ಟೂ ಹಾಡುಗಳು ಶೂಟ್ಆಗಿದ್ದರೂ ಸಿನಿಮಾದಲ್ಲಿ ಮಾಯವಾಗಿರುತ್ತವೆ.

ಆದರೆ, ಕನ್ನಡದ ರಿಯಲ್ ಸ್ಟಾರ್ ಉಪೇಂದ್ರ ನಟನೆ-ನಿರ್ದೇಶನದ ‘U/I’ ಚಿತ್ರವು ಸದ್ಯದಲ್ಲೇ, ಅಂದರೆ ಅಕ್ಟೋಬರ್‌ನಲ್ಲಿ ಬಿಡುಗಡೆ ಆಗಲಿದೆ. ಈ ಚಿತ್ರದಲ್ಲಿ ಉಪೇಂದ್ರ ಹೊರತುಪಡಿಸಿದರೆ ಯಾರೆಲ್ಲಾ ನಟಿಸಿದ್ದಾರೆ ಎಂಬುದು ಸಾಕಷ್ಟು ಸೀಕ್ರೆಟ್ ಆಗಿಯೇ ಉಳಿದಿತ್ತು. ಆದರೆ, ನಟಿ ಸನ್ನಿ ಲಿಯೋನ್ ಇರುವುದು ಈಗ ದೃಢವಾಗಿದೆ. ಆದರೆ, ಪಾತ್ರದಲ್ಲಿ ನಟಿಸಿ ಹಾಡಲ್ಲಿ ಇದ್ದಾರಾ ಅಥವಾ ಬರೀ ಹಾಡಲ್ಲಿ ಮಾತ್ರವೇ ಸನ್ನಿ ದರ್ಶನವೋ?! ಸದ್ಯಕ್ಕೆ ಹೇಳುವವರಿಲ್ಲ.