ಮೊನ್ನೆ ಏಪ್ರಿಲ್ 5ರಂದು ನಡೆದ ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ಸನ್ರೈಸರ್ಸ್ ಹೈದ್ರಾಬಾದ್ ಮ್ಯಾಚ್ನಲ್ಲಿ ಅಭಿಮಾನಿಯೊಬ್ಬ ಫುಲ್ ಫಜೀತಿಗೀಡಾದ ಘಟನೆ ನಡೆದಿದೆ. ಅದೇನಂದ್ರೆ ಜುನೈದ್ ಅಹ್ಮದ್ ಎಂಬ ಅಭಿಮಾನಿಯೊಬ್ಬ ಹೈದ್ರಾಬಾದ್ನ ರಾಜೀವ್ ಗಾಂಧಿ ಸ್ಟೇಡಿಯಂನಲ್ಲಿ ನಡೆಯಲಿರೋ ಸನ್ರೈಸರ್ ಹೈದ್ರಾಬಾದ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ಮ್ಯಾಚ್ಗೆ 4500ರೂ ಹಣ ಕೊಟ್ಟು ಟಿಕೆಟ್ ಖರೀದಿಸಿದ್ದ.. ಈ ಟಿಕೆಟ್ನ ಸೀಟ್ ಸಂಖ್ಯೆ ಜೆ-66 ಆಗಿತ್ತು… ಆದ್ರೆ ಮ್ಯಾಚ್ ದಿನ ಸ್ಟೇಡಿಯಂಗೆ ಹೋದ ಜುನೈದ್ ಅಹ್ಮದ್ಗೆ ಶಾಕ್ ಎದುರಾಗಿತ್ತು… ಯಾಕಂದ್ರೆ ತಾನು ಕುಳಿತುಕೊಳ್ಳಬೇಕಿದ್ದ ಸೀಟ್ ಮಾಯ ಆಗೋಗಿತ್ತು… 4500 ರೂ ಕೊಟ್ಟಿದ್ರೂ ತನ್ನ ಟಿಕೆಟ್ ಸಂಖ್ಯೆ J-66 ಸೀಟು ಅಲ್ಲಿ ಇರಲಿಲ್ಲ..
J-65 ಹಾಗೂ J-67 ಮಧ್ಯೆ ಇರಬೇಕಾಗಿದ್ದ J-66 ಸೀಟು ಅಲ್ಲಿ ಇರಲಿಲ್ಲ.. ಬೇಸರದಿಂದಲೇ ಜುನೈದ್ ನಿಂತುಕೊಂಡೇ ಇಡೀ ಪಂದ್ಯವನ್ನ ವೀಕ್ಷಿಸುವಂತಾಯ್ತು.
ಮ್ಯಾಚ್ ಮುಗಿದ್ಮೇಲೆ ಗೊತ್ತಾಯ್ತು ಸೀಟು ರಹಸ್ಯ!
ಜುನೈದ್ ತನ್ನ J-66 ಸೀಟು ಸಿಗದ ಕಾರಣ ನಿಂತುಕೊಂಡೇ ಮ್ಯಾಚ್ ನೋಡಿದ್ದ.. ಆದ್ರೆ ಮ್ಯಾಚ್ ಮುಗಿದ್ಮೇಲೆ ಆತನಿಗೆ ತನ್ನ ಸೀಟ್ ಎಲ್ಲಿತ್ತು ಅನ್ನೋದು ಗೊತ್ತಾಗಿದೆ… ಆಗಿದ್ದು ಏನಂದ್ರೆ J-65 ಹಾಗೂ J-67 ಮಧ್ಯೆ ಇರಬೇಕಾಗಿದ್ದ J-66 ಸೀಟು, ಸ್ಟೇಡಿಯಂ ಸಿಬ್ಬಂದಿಯ ಯಡವಟ್ಟಿನಿಂದಾಗಿ J-69 ಹಾಗೂ J-70 ಮಧ್ಯೆ ಸೇರಿಕೊಂಡಿತ್ತು… ಆ ಸೀಟ್ ಮೇಲೆ ಬೇರೆ ಯಾರೋ ಕೂತು ಮ್ಯಾಚ್ ನೋಡಿ ಹೋಗಿದ್ದಾರೆ..
4500 ರೂ ಕೊಟ್ಟರೂ ಸೀಟ್ ಹುಡುಕಲು ಆಗದ ಜುನೈದ್ ಕಾಲು ನೋಯಿಸ್ಕೊಂಡು ಮ್ಯಾಚ್ ನೋಡಿ ಮನೆಗೆ ಮರಳಿದ್ದಾರೆ.. ಸ್ಟೇಡಿಯಂನಲ್ಲಿನ ತಾನು ಸೀಟು ಸಿಗದೆ ಪಟ್ಟ ಫಜೀತಿ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಜುನೈದ್ ಹೇಳಿಕೊಂಡಿದ್ದಾರೆ.
– ಡಯಾನ ಹೆಚ್ ಆರ್, ಫ್ರೀಡಂ ಟಿವಿ
