ಸಂವಹನ, ಇಲೆಕ್ಟ್ರಾನಿಕ್ ಮತ್ತು ಮಾಹಿತಿ ತಂತ್ರಜ್ಞಾನ ಮತ್ತು ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ರವರು ಭಾರತದ ಮೊಟ್ಟ ಮೊದಲ ಅತಿವೇಗದ ಮತ್ತು ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ IP/MPLS (ಮಲ್ಟಿಪ್ರೊಟೊಕಾಲ್ ಲೇಬಲ್ ಸ್ವಿಚಿಂಗ್) ರೂಟರ್ ಅನ್ನು ಅನಾವರಣಗೊಳಿಸಿದ್ದಾರೆ. ಅಂದಹಾಗೆ ಈ ಹೊಸ ರೂಟರ್ ಅನಾವರಣಗೊಂಡಿದ್ದು ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಎಂಬುದು ಇನ್ನೂ ವಿಶೇಷವಾಗಿದೆ. ಈ ರೂಟರ್ 2.4 tbps ಸಾಮರ್ಥ್ಯವನ್ನು ಹೊಂದಿದೆ.
ಈ ರೂಟರ್ ಅನ್ನು ಸರ್ಕಾರಿ ಟೆಲಿಕಾಂ ಇಲಾಖೆ ಮತ್ತು ನೈವೆಟ್ಟಿ ಎರಡು ಸಹಭಾಗಿತ್ವದಲ್ಲಿ ಅಭಿವೃದ್ಧಿಪಡಿಸಿವೆ. ಈ ಕುರಿತು ಮಾತನಾಡುವ ವೇಳೆ ಯೂನಿಯನ್ ಮಿನಿಸ್ಟರ್ ಅಶ್ವಿನಿ ವೈಷ್ಣವ್ ರವರು ‘ಇದು ದೇಶದ ಹೆಮ್ಮೆಯ ವಿಷಯ. ಸ್ಥಳೀಯವಾಗಿ ಅಭಿವೃದ್ಧಿಪಡಿಸಲಾದ ಈ ಡಿವೈಸ್ ನರೇಂದ್ರ ಮೋದಿರವರ ಡಿಜಿಟಲ್ ಇಂಡಿಯಾ ಕನಸಿಗೆ ಪ್ರಮುಖವಾಗಿ ಉತ್ತೇಜನ ನೀಡಲಿದೆ’ ಎಂದಿದ್ದಾರೆ.
https://twitter.com/i/status/1766421848965960000
“ನಿಮಗೆಲ್ಲ ತಿಳಿದಂತೆ ನೆಟ್ವರ್ಕಿಂಗ್ ಡಿಜಿಟಲ್ ಇಂಡಿಯಾದ ಪ್ರಯತ್ನಕ್ಕೆ ಪ್ರಮುಖ ಟೂಲ್ ಆಗಿದೆ. ಇಂತಹ ರೂಟರ್ಗಳು ತುಂಬ ಪ್ರಾಮುಖ್ಯತೆ ಉಳ್ಳವು. ಆದ್ದರಿಂದ, ಈ ರೀತಿಯ ಸಂಕೀರ್ಣ ಉಪಕರಣಗಳನ್ನು ಭಾರತದಲ್ಲಿ ವಿನ್ಯಾಸಗೊಳಿಸಲಾಗಿದೆ ಮತ್ತು ಭಾರತದಲ್ಲಿ ಅಭಿವೃದ್ಧಿಪಡಿಸಲಾಗಿದೆ ಎಂದು ನನಗೆ ತುಂಬಾ ಸಂತೋಷವಾಗಿದೆ,” ಎಂದು ಸಚಿವರು ಹೇಳಿದರು.
ಭಾರತದ ಅತಿವೇಗದ ರೂಟರ್ನ ಟಾಪ್ ಫೀಚರ್ಗಳೇನು?
• ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ ಈ ಅತಿವೇಗದ ರೂಟರ್ನ ಇಂಟರ್ನೆಟ್ ಡಾಟಾ ವರ್ಗಾವಣೆ ವೇಗ 2.4 ಟೆರಾಬೈಟ್ಸ್ ಪರ್ ಸೆಕೆಂಡ್ (TBps).
ಇದು 1,000 ಗಿಗಾಬೈಟ್ಸ್ಗೆ ಮತ್ತು 1,00,000 ಲಕ್ಷ ಕೋಟಿ ಬೈಟ್ಸ್ ಪರ್ ಸೆಕೆಂಡ್ಗೆ ಸಮನಾಗಿದೆ.
• ಈ ರೂಟರ್ ಅನ್ನು ರೈಲ್ವೆ ಸಂವಹನ, ಪವರ್ ಗ್ರಿಡ್, ಟೆಲಿಕಮ್ಯೂನಿಕೇಷನ್ ಮತ್ತು ಟೆಲಿವಿಷನ್ ಮೀಡಿಯಾ ಕ್ಷೇತ್ರಗಳಲ್ಲಿ ಅಭಿವೃದ್ಧಿ ಪಡಿಸುವುದರಿಂದ ಅಭಿವೃದ್ಧಿಗೆ ಸಹಾಯವಾಗಲಿದೆ.
• ಎಂಪಿಎಲ್ಎಸ್ ಒಂದು ರೂಟಿಂಗ್ ತಂತ್ರಜ್ಞಾನವಾಗಿದೆ. ಇದನ್ನು ಟೆಲಿಕಂಮ್ಯೂನಿಕೇಷನ್ ನೆಟ್ವರ್ಕ್ಗಳಲ್ಲಿ ಬಳಸಲಿದ್ದು, ಒಂದು ನೋಡ್ನಿಂದ ಮುಂದಿನದಕ್ಕೆ ಡಾಟಾವನ್ನು ನಿರ್ದೇಶಿಸುವ ದೂರಸಂಪರ್ಕ ಜಾಲಗಳಲ್ಲಿ ಇದನ್ನು ಬಳಸಲಾಗುತ್ತದೆ.
• ನೆಟ್ವರ್ಕ್ ವಿಳಾಸಗಳಿಗಿಂತ ಲೇಬಲ್ಗಳ ಆಧಾರದ ಮೇಲೆ ಡಾಟಾ ವರ್ಗಾವಣೆಯನ್ನು ನಡೆಸಲಾಗುತ್ತದೆ.
• ಸಾಧನವು ನೆಟ್ವರ್ಕಿಂಗ್ ತಂತ್ರಜ್ಞಾನದಲ್ಲಿ ಪ್ರಮುಖ ಪಾತ್ರ ಪ್ರತಿನಿಧಿಸುತ್ತದೆ, ಇದು ಭಾರತದ ಡಿಜಿಟಲ್ ಮೂಲಸೌಕರ್ಯವನ್ನು ಹೆಚ್ಚಿಸಲು ಭರವಸೆ ನೀಡುತ್ತದೆ.
