ಕಬಿನಿಯಲ್ಲಿ ಹೇಗೆ ಎಂಜಾಯ್ ಮಾಡಲು ಅವಕಾಶಗಳಿವೆ ಇಲ್ಲಿ ತಿಳಿಯಿರಿ..
ಕಬಿನಿ ಒಂದು ಕಾಲದಲ್ಲಿ ಬ್ರಿಟಿಷರ ಖಾಸಗಿ ಬೇಟೆಯಾಡುವ ಸ್ಥಳವಾಗಿತ್ತು. ಇದು ಹುಲಿಗಳು, ಚಿರತೆಗಳು, ಆನೆಗಳು, ಮೊಸಳೆಗಳು ಮತ್ತು ಇತರ ಅನೇಕ ಕಾಡು ಪ್ರಾಣಿಗಳ ನೈಸರ್ಗಿಕ ಆವಾಸಸ್ಥಾನವಾಗಿ ಕಾಣಬಹುದು.
ನೀವು ಕಬಿನಿ ಹೋದಾಗ ತಪ್ಪದೇ ಪ್ರಯತ್ನಿಸಬೇಕಾದ ಚಟುವಟಿಕೆಗಳಲ್ಲಿ ಎಲಿಫೆಂಟ್ ಸಫಾರಿ ಕೂಡ ಒಂದಾಗಿದೆ. ಆನೆಯ ಬೆನ್ನಿನ ಮೇಲೆ ಸವಾರಿ ಮಾಡುವುದು ಒಂದು ರೋಮಾಂಚನಕಾರಿ ಅನುಭವ ನೀಡಬಹುದು. ಆನೆಯ ಈ ಸಫಾರಿ ಕಬಿನಿಯ ಅವಿಸ್ಮರಣೀಯ ಕ್ಷಣವನ್ನಾಗಿಸುತ್ತದೆ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ.
ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನದ ಕಬಿನಿ ಪ್ರದೇಶದ ಮೂಲಕ ಜಂಗಲ್ ಸಫಾರಿ ಮಾಡಿ. ಸಫಾರಿಯ ವೇಳೆ ನೀವು ಆನೆಗಳು, ಚುಕ್ಕೆ ಜಿಂಕೆ, ಇಂಡಿಯನ್ ಗೌರ್, ಕಾಡುಹಂದಿ, ಸಾಂಬಾರ್ ಜಿಂಕೆ, ಹುಲಿಗಳು ಮತ್ತು ಕಪ್ಪು ಚಿರತೆಗಳನ್ನು ಸಹ ಕಾಣಬಹುದು. ಪ್ರಾಣಿಗಳ ಹೊರತಾಗಿ, ಅರಣ್ಯದ ಅಸಾಧಾರಣ ಭೂದೃಶ್ಯವನ್ನು ಕಣ್ತುಂಬಿಕೊಳ್ಳಬಹುದು.
ಕಬಿನಿಯಂತಹ ಸುಂದರ ಅರಣ್ಯದಲ್ಲಿ ನೀವು ಬೋಟ್ ಸಫಾರಿ ಮಾಡುವುದನ್ನು ತಪ್ಪಿಸದಿರಿ. ಈ ಬೋಟ್ ಸಫಾರಿಯು ಹಚ್ಚ ಹಸಿರಿನ ಸುತ್ತಮುತ್ತಲಿನ ಸೌಂದರ್ಯವನ್ನು ಸವಿಯಲು ಅವಕಾಶ ಮಾಡಿಕೊಡುತ್ತದೆ.
ಕಬಿನಿ ಕೇವಲ ವನ್ಯಜೀವಿಗಳಿಗೆ ಮಾತ್ರ ಫೇಮಸ್ ಅಲ್ಲ, ಬದಲಾಗಿ ಟ್ರೆಕ್ಕಿಂಗ್ಗೂ ಅಷ್ಟೇ ಜನಪ್ರಿಯವಾಗಿದೆ. ಕುಮಾರ ಪರ್ವತ ಮತ್ತು ಬ್ರಹ್ಮಗಿರಿ ಪರ್ವತಗಳಲ್ಲಿವೆ.
ಕಬಿನಿಗೆ ಹೋದಾಗ ನೀವು ವನ್ಯಜೀವಿ ರೆಸಾರ್ಟ್ಗಳಲ್ಲಿ ತಂಗಲು ಪ್ಲಾನ್ ಮಾಡಿ. ಇದು ನಿಮ್ಮ ಜೀವನವಿಡೀ ನೆನಪಿನಲ್ಲಿ ಉಳಿಸಬಹುದು. ಕಬಿನಿಯು ಅನೇಕ ವನ್ಯಜೀವಿ ರೆಸಾರ್ಟ್ಗಳು ಮತ್ತು ವಸತಿಗೃಹಗಳ ಕೇಂದ್ರವಾಗಿದೆ.
