ಬೆಂಗಳೂರು : ನಗರದಲ್ಲಿ ಇತ್ತೀಚಿಗೆ ಹನಿಟ್ರ್ಯಾಪ್ ಗ್ಯಾಂಗ್ಗಳು ಹೆಚ್ಚುತ್ತಿವೆ, ಈ ರೀತಿಯ ಹನಿಟ್ರ್ಯಾಪ್ ಗ್ಯಾಂಗ್ಗೆ ಸಿಲುಕಿ ಅನೇಕರು ಹಣವನ್ನು ಕಳೆದುಕೊಂಡಿದ್ದಾರೆ. ಅದೇ ರೀತಿಯ ಭಯಾನಕ ಗ್ಯಾಂಗ್ಯೊಂದು ಒರ್ವ ಉದ್ಯಮಿಗೆ ಗಾಳ ಹಾಕಿ ಟ್ರ್ಯಾಪ್ ಮಾಡಿ ಹಣ ಪೀಕಲು ಎಲ್ಲಾ ತಯಾರಿ ಮಾಡಿಕೊಂಡಿದ್ದರು. ಅಂತಹ ಗ್ಯಾಂಗ್ನ್ನು ಇಂದು ರಾಜರಾಜೇಶ್ವರಿ ನಗರದ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ.
ತನ್ನ ಹೆಂಡತಿಯನ್ನೆ ಟ್ರ್ಯಾಪ್ ಮಾಡಲು ಬಿಟ್ಟಿದ್ದ ಪತಿರಾಯ..!!
ಈ ಪ್ರಕರಣದಲ್ಲಿ ಖಲೀಮ್, ಸಭಾ, ಓಬೆದ್ ರಕೀಮ್, ಅತೀಕ್ ಎಂಬುವರನ್ನ ಅರೆಸ್ಟ್ ಮಾಡಿಲಾಗಿದೆ. ಅತೀವುಲ್ಲಾ ಎಂಬ ಉದ್ಯಮಿಯನ್ನ ಟ್ರ್ಯಾಪ್ ಮಾಡಲು ಎಲ್ಲಾ ತಯಾರಿ ಮಾಡಿಕೊಂಡಿತ್ತು ಈ ಖತರ್ನಾಕ್ ಗ್ಯಾಂಗ್ ಖಲೀಮ್ ಹಾಗೂ ಸಭಾ ಇಬ್ಬರು ಗಂಡ ಹೆಂಡತಿ, ತನ್ನ ಹೆಂಡತಿಯನ್ನು ಈಕೆ ವಿಧವೆ ಎಂದು ನಂಬಿಸಿ ಅತೀವುಲ್ಲಾಗೆ ಪರಿಚಯಿಸಿ ಸಲುಗೆ ಬೆಳಸಿಕೊಳ್ಳಲು ಪ್ಲ್ಯಾನ್ ರೂಪಿಸಿಸುತ್ತಾರೆ.
ಹಳ್ಳಕ್ಕೆ ಬಿದ್ದ ಉದ್ಯಮಿ ಅತೀವುಲ್ಲಾ…!!
ಅದನ್ನು ನಂಬಿದ ಉದ್ಯಮಿ ಅತೀವುಲ್ಲಾ, ಸಭಾ ಜೊತೆ ಅತ್ಯಂತ ಸಲುಗೆ ಬೆಳಸಿಕೊಳ್ಳುತ್ತಾನೆ, ಇವರಿಬ್ಬರ ನಡುವೆ ಎಲ್ಲವೂ ಮುಗಿದುಹೋಗಿರುತ್ತೆ. ಕೆಲದಿನಗಳ ಬಳಿಕ ಮತ್ತೆ ಪೋನ್ ಮಾಡಿ ರೂಮ್ ಬುಕ್ ಮಾಡಲು ಸಭಾ ತಿಳಿಸಿ ಕರೆಸಿಕೊಳ್ಳಲು ಪ್ಲ್ಯಾನ್ ಮಾಡುತ್ತಾರೆ. ಅದೇ ರೀತಿ ಉದ್ಯಮಿ ಅತೀವುಲ್ಲಾ ಆಧಾರ್ ಕಾರ್ಡ್ ಜೊತೆಗೆ ರೂಮ್ ಬುಕ್ ಮಾಡುತ್ತಾನೆ. ರೂಮ್ ಹೋದ ಕೆಲಹೊತ್ತಿನಲ್ಲೆ ಹನಿಟ್ರ್ಯಾಪ್ ಗ್ಯಾಂಗ್ ಎಂಟ್ರಿ ಕೊಟ್ಟೆ ಬಿಡುತ್ತೆ. ಅದಾದ ಬಳಿಕ ಉದ್ಯಮಿಯ ಬಳಿ ಇದ್ದ ಹಣವನ್ನು ಕಸಿದ ಗ್ಯಾಂಗ್ ಮತ್ತಷ್ಟು ಹಣಕ್ಕೆ ಬೇಡಿಕೆ ಇಟ್ಟಿದ್ದಾರೆ. ಅದಾಗಲೇ ಸಿಸಿಬಿ ಪೊಲೀಸರ ಗಮನಕ್ಕೆ ಬಂದಿದ್ದು, ಸ್ಥಳಕ್ಕೆ ತೆರಳಿ ಎಲ್ಲಾ ಆರೋಪಿಗಳನ್ನ ರೆಡ್ಹ್ಯಾಂಡ್ ಅರೆಸ್ಟ್ ಮಾಡಿ ಜೈಲೂಟಕ್ಕೆ ಕಳುಹಿಸಿದ್ದಾರೆ.
ಡಿಸಿಪಿ ಶ್ರೀನಿವಾಸಗೌಡ ಹೇಳಿದ್ದೇನು..?
ಈ ಪ್ರಕರಣದಲ್ಲಿ ಒಟ್ಟು ಒರ್ವ ಮಹಿಳೆ ಸೇರಿ ನಾಲ್ವರನ್ನ ಅರೆಸ್ಟ್ ಮಾಡಿದ್ದೇವೆ, ಅಮಾಯಕ ಮಹಿಳೆಗೆ ಸಹಾಯ ಮಾಡಿ ಎಂದು ಹೇಳಿ ಉದ್ಯಮಿ ಅತೀವುಲ್ಲಾಗೆ ಹನಿಟ್ರ್ಯಾಪ್ ಮಾಡಿದ್ದಾರೆ. ಕೃತ್ಯಕ್ಕೆ ಬಳಸಿದ್ದ ವಾಹನವನ್ನು ವಶಪಡಿಕೊಳ್ಳಲಾಗಿದೆ.
