ದೇಶಾದ್ಯಂತ ಎರಡನೇ ಹಂತದ ಚುನಾವಣೆ ಭಾಗವಾಗಿ ದಕ್ಷಿಣ ಕರ್ನಾಟಕದ (South karnataka) 14 ಲೋಕಸಭೆ ಕ್ಷೇತ್ರಗಳಿಗೆ ಏಪ್ರಿಲ್ 26ರಂದು ಮತದಾನ ನಡೆಯಲಿದೆ. ಈ ಚುನಾವಣೆಯಲ್ಲಿ ಪ್ರಮುಖ ರಾಜಕೀಯ ಪಕ್ಷಗಳ ನಡುವೆ ದ್ವಿಮುಖ ಪೈಪೋಟಿ ಏರ್ಪಟ್ಟಿದೆ.
ಕಳೆದ ಅಸೆಂಬ್ಲಿ ಚುನಾವಣೆಯಲ್ಲಿ ಪ್ರತ್ಯೇಕವಾಗಿ ಸ್ಪರ್ಧಿಸಿ ಹೀನಾವಾಗಿ ಸೋಲುಂಡಿದ್ದ ಬಿಜೆಪಿ-ಜೆಡಿಎಸ್ (BJP-JDS) ಜಂಟಿಯಾಗಿ ಸ್ಪರ್ಧಿಸಿವೆ. ಆಡಳಿತ ಪಕ್ಷ ಕಾಂಗ್ರೆಸ್ (Congress) ಏಕಾಂಗಿಯಾಗಿ ಸ್ಪರ್ಧಿಸಿದೆ.
ಭೌಗೋಳಿಕ, ಸಾಮಾಜಿಕ ಪರಿಸ್ಥಿತಿಗಳಿಗೆ ಹೋಲಿಸಿದರೇ ಉತ್ತರ ಕರ್ನಾಟಕಕ್ಕಿಂತ ಭಿನ್ನವಾಗಿದೆ ದಕ್ಷಿಣ ಕರ್ನಾಟಕ. ಅಲ್ಲಿ ಇಲ್ಲಿ ಚುನಾವಣೆ ಮೇಲೆ ಪ್ರಭಾವ ಬೀರುವ ಅಂಶಗಳು ಭಿನ್ನವಾಗಿ ಇರುತ್ತವೆ.
ಈ ಕಾರಣಕ್ಕಾಗಿಯೇ ರಾಜಕೀಯ ಪಕ್ಷಗಳು ಪ್ರಾಂತ್ಯಕ್ಕನುಗುಣವಾಗಿ ರಣವ್ಯೂಹಗಳನ್ನು ರಚಿಸಿಕೊಂಡಿವೆ
ಏಪ್ರಿಲ್ 26.. ಯಾವೆಲ್ಲಾ ಕ್ಷೇತ್ರಗಳಲ್ಲಿ ಚುನಾವಣೆ? ಯಾರೆಲ್ಲಾ ಸ್ಪರ್ಧೆ?
ಉಡುಪಿ-ಚಿಕ್ಕಮಗಳೂರು, ಹಾಸನ, ದಕ್ಷಿಣ ಕನ್ನಡ, ಚಿತ್ರದುರ್ಗ(ಎಸ್ಸಿ ಮೀಸಲು ಕ್ಷೇತ್ರ), ತುಮಕೂರು, ಮಂಡ್ಯ, ಮೈಸೂರು-ಕೊಡಗು, ಚಾಮರಾಜನಗರ (ಎಸ್ಸಿ ಮೀಸಲು ಕ್ಷೇತ್ರ), ಬೆಂಗಳೂರು ಗ್ರಾಮೀಣ, ಬೆಂಗಳೂರು ಉತ್ತರ, ಬೆಂಗಳೂರು ದಕ್ಷಿಣ, ಬೆಂಗಳೂರು ಕೇಂದ್ರ, ಚಿಕ್ಕಬಳ್ಳಾಪುರ,ಕೋಲಾರ(ಎಸ್ಸಿ ಮೀಸಲು ಕ್ಷೇತ್ರ)
- ಉಡುಪಿ-ಚಿಕ್ಕಮಗಳೂರು – ಕೋಟಾ ಶ್ರೀನಿವಾಸ್ ಪೂಜಾರಿ (ಬಿಜೆಪಿ) – ಜಯಪ್ರಕಾಶ್ ಹೆಗಡೆ (ಕಾಂಗ್ರೆಸ್)
- ಹಾಸನ – ಪ್ರಜ್ವಲ್ ರೇವಣ್ಣ(ಜೆಡಿಎಸ್) – ಶ್ರೇಯಸ್ ಪಟೇಲ್ (ಕಾಂಗ್ರೆಸ್)
- ದಕ್ಷಿಣ ಕನ್ನಡ – ಬ್ರಿಜೇಶ್ ಚೌಟಾ(ಬಿಜೆಪಿ) – ಪದ್ಮರಾಜ್ ರಾಮಯ್ಯ (ಕಾಂಗ್ರೆಸ್)
- ಚಿತ್ರದುರ್ಗ(ಎಸ್ಸಿ ಮೀಸಲು ಕ್ಷೇತ್ರ) – ಗೋವಿಂದ ಕಾರಜೋಳ (ಬಿಜೆಪಿ) – ಚಂದ್ರಪ್ಪ (ಕಾಂಗ್ರೆಸ್)
- ತುಮಕೂರು – ವಿ ಸೋಮಣ್ಣ (ಬಿಜೆಪಿ) – ಮುದ್ದಹನುಮೇಗೌಡ (ಕಾಂಗ್ರೆಸ್)
- ಮಂಡ್ಯ – ಹೆಚ್ಡಿ ಕುಮಾರಸ್ವಾಮಿ (ಜೆಡಿಎಸ್) – ಸ್ಟಾರ್ ಚಂದ್ರು (ಕಾಂಗ್ರೆಸ್)
- ಮೈಸೂರು-ಕೊಡಗು – ಯದುವೀರ್ ಒಡೆಯರ್ (ಬಿಜೆಪಿ) – ಲಕ್ಷ್ಮಣ್ (ಕಾಂಗ್ರೆಸ್)
- ಚಾಮರಾಜನಗರ (ಎಸ್ಸಿ ಮೀಸಲು ಕ್ಷೇತ್ರ) – ಸುನೀಲ್ ಬೋಸ್ (ಕಾಂಗ್ರೆಸ್) – ಬಾಲರಾಜು (ಬಿಜೆಪಿ)
- ಬೆಂಗಳೂರು ಗ್ರಾಮೀಣ – ಡಿಕೆ ಸುರೇಶ್ (ಕಾಂಗ್ರೆಸ್) – ಡಾ.ಸಿಎನ್ ಮಂಜುನಾಥ್ (ಬಿಜೆಪಿ)
- ಬೆಂಗಳೂರು ಉತ್ತರ – ಶೋಭಾ ಕರಂದ್ಲಾಜೆ (ಬಿಜೆಪಿ) – ರಾಜೀವ್ ಗೌಡ (ಕಾಂಗ್ರೆಸ್)
- ಬೆಂಗಳೂರು ದಕ್ಷಿಣ – ತೇಜಸ್ವಿ ಸೂರ್ಯ (ಬಿಜೆಪಿ) – ಸೌಮ್ಯಾ ರೆಡ್ಡಿ (ಕಾಂಗ್ರೆಸ್)
- ಬೆಂಗಳೂರು ಕೇಂದ್ರ – ಪಿಸಿ ಮೋಹನ್ (ಬಿಜೆಪಿ) – ಮನ್ಸೂರ್ ಆಲಿ ಖಾನ್(ಕಾಂಗ್ರೆಸ್)
- ಚಿಕ್ಕಬಳ್ಳಾಪುರ – ಡಾ.ಸುಧಾಕರ್(ಬಿಜೆಪಿ) – ರಕ್ಷಾ ರಾಮಯ್ಯ (ಕಾಂಗ್ರೆಸ್)
- ಕೋಲಾರ(ಎಸ್ಸಿ ಮೀಸಲು ಕ್ಷೇತ್ರ) – ಕೆವಿ ಗೌತಮ್ (ಕಾಂಗ್ರೆಸ್) – ಮಲ್ಲೇಶ್ ಬಾಬು(ಜೆಡಿಎಸ್)
14 ಕ್ಷೇತ್ರಗಳಲ್ಲಿ ಒಟ್ಟು ಮತದಾರರ ಸಂಖ್ಯೆ 2,85,42,534
2019ರ ಲೋಕಸಭೆ ಚುನಾವಣೆಯಲ್ಲಿ ಬಿಜೆಪಿ 11ರಲ್ಲಿ, ಕಾಂಗ್ರೆಸ್, ಜೆಡಿಎಸ್ ಮತ್ತು ಪಕ್ಷೇತರ ಅಭ್ಯರ್ಥಿ ತಲಾ 1 ಕ್ಷೇತ್ರದಲ್ಲಿ ಜಯ ಗಳಿಸಿತ್ತು
ಹೊಸಬರ ಜೋರು
ಮೈತ್ರಿ ಕಾರಣ ಕೋಲಾರ, ಹಾಸನ, ಮಂಡ್ಯ ಕ್ಷೇತ್ರಗಳನ್ನು ಜೆಡಿಎಸ್ಗೆ ಬಿಟ್ಟುಕೊಟ್ಟಿರುವ ಬಿಜೆಪಿ ಉಳಿದ 11 ಕ್ಷೇತ್ರಗಳಲ್ಲಿ ಸ್ಪರ್ಧೆ ಮಾಡಿದೆ. ಈ ಪೈಕಿ 8 ಹಾಲಿ ಸಂಸದರಿಗೆ ಕೊಕ್ ನೀಡಿದೆ.
ಉಡುಪಿ-ಚಿಕ್ಕಮಗಳೂರು ಸಂಸದೆ ಶೋಭಾ ಕರಂದ್ಲಾಜೆ ಅವರನ್ನು ಬೆಂಗಳೂರು ಉತ್ತರಕ್ಕೆಶೀಪ್ಟ್ ಮಾಡಿದೆ. ಒಟ್ಟು 10 ಕಡೆ ಹೊಸಬರು ಸ್ಪರ್ಧೆ ಮಾಡಿದ್ದಾರೆ, ನಾಲ್ವರು ಸಿಟ್ಟಿಂಗ್ ಎಂಪಿಗಳು ಮಾತ್ರ ಕಣದಲ್ಲಿದ್ದಾರೆ.
ಪ್ರಭಾವಿಸುವ ಅಂಶಗಳು
- 2023ರ ಅಸೆಂಬ್ಲಿ ಚುನಾವಣೆಯಲ್ಲಿ ನೀಡಿದ ಐದು ಗ್ಯಾರಂಟಿಗಳೇ ಈ ಚುನಾವಣೆಯಲ್ಲಿಯೂ ಕಾಂಗ್ರೆಸ್ಗೆ ಪ್ರಧಾನ ಬಲ.ರಾಜ್ಯ ವ್ಯಾಪಿ ಈ ಗ್ಯಾರಂಟಿಗಳನ್ನು ಜಾರಿ ಮಾಡಿರುವ ಕಾಂಗ್ರೆಸ್ ಪಕ್ಷಕ್ಕೆ ಪ್ರಧಾನಿ ಮೋದಿ ಪ್ರಧಾವ, ಜನಪ್ರಿಯತೆ ಎಂದಿನಂತೆ ಗಟ್ಟಿ ಪೈಪೋಟಿ ನೀಡುತ್ತಿದೆ
- ಈ ವರ್ಷ ರಾಜ್ಯದಲ್ಲಿ ಏರ್ಪಟ್ಟಿರುವ ಬರ ಪರಿಸ್ಥಿತಿ ಬಿಜೆಪಿಗೆ ಕಂಟಕವಾಗುವ ಸಾಧ್ಯತೆಗಳು ಇಲ್ಲದಿಲ್ಲ. ಬರಪರಿಹಾರ ಕೊಡಿ ಎಂದು ಹತ್ತಾರು ಬಾರಿ ಮನವಿ ಮಾಡಿಕೊಂಡರೂ ಕೇಂದ್ರ ಸರ್ಕಾರ ಸ್ಪಂದಿಸಿಲ್ಲ ಎಂದು ಕಾಂಗ್ರೆಸ್ ಆರೋಪ ಮಾಡುತ್ತಿದೆ. ಈ ವಿಚಾರವಾಗಿ ಸುಪ್ರೀಂಕೋರ್ಟ್ನಲ್ಲಿ ನಡೆಸಿದ ಕಾನೂನು ಹೋರಾಟದಲ್ಲಿ ರಾಜ್ಯ ಸರ್ಕಾರಕ್ಕೆ ಜಯ ಸಿಕ್ಕಿದೆ.ಕೇಂದ್ರಕ್ಕೆ ಮುಖಭಂಗ ಎದುರಾಗಿದೆ.
- 15ನೇ ಹಣಕಾಸು ಆಯೋಗದ ಶಿಫಾರಸುಗಳ ಪ್ರಕಾರ ಅನುದಾನ, ಜಿಎಸ್ಟಿ ಪರಿಹಾರ ಕೊಟ್ಟಿಲ್ಲ ಎಂದು ಕಾಂಗ್ರೆಸ್ ಆರೋಪ ಮಾಡುತ್ತಿದೆ. ಆದರೆ, ರಾಜ್ಯಕ್ಕೆ ನೀಡಬೇಕಾದ ಅನುದಾನದ ಬಗ್ಗೆ ಹಣಕಾಸು ಆಯೋಗದ ಅಂತಿಮ ವರದಿಯಲ್ಲಿ ಯಾವುದೇ ಉಲ್ಲೇಖವಿಲ್ಲ ಎಂದು ಕೇಂದ್ರ ಸರ್ಕಾರ ವಾದ ಮಾಡುತ್ತಿದೆ. ಈ ವಿಚಾರವೀಗ ಪ್ರಚಾರ ಕಣದಲ್ಲಿ ಚೊಂಬು, ಚಿಪ್ಪು ರಾಜಕೀಯಕ್ಕೆ ನಾಂದಿ ಹಾಡಿದೆ.
- ಬೆಂಗಳೂರಿಗೆ ಕುಡಿಯುವ ನೀರು ಇಲ್ಲದಿದ್ದರೂ ತಮಿಳುನಾಡಿಗೆ ಕಾವೇರಿ ನೀರು ಹರಿಸಲಾಗಿದೆ ಎಂದು ಬಿಜೆಪಿ ಆರೋಪ ಮಾಡುತ್ತಿದೆ. ಇದಕ್ಕೆ ಪ್ರತಿಯಾಗಿ ಮೇಕೆದಾಟು ಯೋಜನೆಗೆ ಕೇಂದ್ರ ಅನುಮತಿ ನೀಡಿಲ್ಲ ಎಂದು ಕಾಂಗ್ರೆಸ್ ಪ್ರತ್ಯಾರೋಪ ಮಾಡುತ್ತಿದೆ.
- ಹಳೆ ಮೈಸೂರು ಪ್ರಾಂತ್ಯದ 14 ಸ್ಥಾನಗಳಲ್ಲಿ ಬಿಜೆಪಿ-ಜೆಡಿಎಸ್ ಮೈತ್ರಿ, ಒಕ್ಕಲಿಗ ಮತ ಬ್ಯಾಂಕ್, ಬೆಂಗಳೂರು ರಾಮೇಶ್ವರಂ ಕೆಫೆ ಸ್ಫೋಟ ಪ್ರಕರಣ, ಧರ್ಮದಂಗಲ್ ಚುನಾವಣಾ ವಿಷಯಗಳಾಗಿವೆ.
ಪ್ರಮುಖ ಕ್ಷೇತ್ರಗಳ ಪರಿಸ್ಥಿತಿ ಇದು..
ಕೋಲಾರ.. (Kolar) ಕಾಂಗ್ರೆಸ್ ಪಕ್ಷದ ಗೌತಮ್ – ಜೆಡಿಎಸ್ ಪಕ್ಷದ ಮಲ್ಲೇಶ್ಬಾಬು ನಡುವೆ ನೇರ ಪೈಪೋಟಿ ಇದೆ. ಕೋಲಾರ ಕಾಂಗ್ರೆಸ್ ಭದ್ರಕೋಟೆಯಾದರೂ ಕಳೆದ ಚುನಾವಣೆಯಲ್ಲಿ ಇಲ್ಲಿ ಬಿಜೆಪಿ ಗೆದ್ದಿತ್ತು.
ಇಲ್ಲಿಂದ ಆರು ಬಾರಿ ಗೆದ್ದು ಕೇಂದ್ರ ಮಂತ್ರಿಯಾಗಿದ್ದ ಕೆಹೆಚ್ ಮುನಿಯಪ್ಪ, ಪಕ್ಷದ ಒಳೇಟುಗಳ ಕಾರಣ ಸೋತಿದ್ದರು. ಈ ಬಾರಿ ಅಳಿಯನಿಗೆ ಟಿಕೆಟ್ ಕೊಡಿಸಲು ಮುನಿಯಪ್ಪ ಮಾಡಿದ ಪ್ರಯತ್ನ ಕೊನೆ ಗಳಿಗೆಯಲ್ಲಿ ಫಲಿಸಲಿಲ್ಲ.
ಆಂತರಿಕ ವಿಬೇಧಗಳ ಕಾರಣ ಹೊರಗಿನ ವ್ಯಕ್ತಿಗೆ ಸಿಕ್ಕಿತು, ಬೆಂಗಳೂರಿನ ಕೆವಿ ಗೌತಮ್ ಇಲ್ಲಿ ಕಾಂಗ್ರೆಸ್ ಅಭ್ಯರ್ಥಿ.. ಆದರೆ, ಗೌತಮ್ಗೆ ಮುನಿಯಪ್ಪ ಬಣದ ಬೆಂಬಲ ಸರಿಯಾಗಿ ಸಿಕ್ತಿಲ್ಲ.
ಜೆಡಿಎಸ್ನಿಂದ ಅಷ್ಟೇ ಪರಿಚಿತವಲ್ಲದ ಮಲ್ಲೇಶ್ಬಾಬು ಕಣಕ್ಕೆ ಇಳಿದಿದ್ದಾರೆ. ಮಲ್ಲೇಶ್ ಬಾಬು ಗೆಲುವು ಸಿಟ್ಟಿಂಗ್ ಎಂಪಿ ಮುನಿಸ್ವಾಮಿ ಸೇರಿ ಬಿಜೆಪಿ ನಾಯಕರ ಬೆಂಬಲವನ್ನು ಅಧರಿಸಿದೆ.
ಕುಡಿಯುವ ನೀರು, ಕೆಜಿಎಫ್, ನಿರುದ್ಯೋಗ, ಮಾಲಿನ್ಯ, ಮೂಲಸೌಕರ್ಯಗಳು ಈ ಚುನಾವಣೆಯಲ್ಲಿ ಪ್ರಭಾವ ಬೀರಲಿವೆ.
ಇಲ್ಲಿ ಒಟ್ಟು ಮತದಾರರ ಸಂಖ್ಯೆ 16,31,850
ಬೆಂಗಳೂರು ಗ್ರಾಮೀಣ.. (Bengaluru Rural)ಹಾಲಿ ಸಂಸದ ಡಿಕೆ ಸುರೇಶ್ ಅವರನ್ನೇ ಕಾಂಗ್ರೆಸ್ ಮತ್ತೆ ಕಣಕ್ಕಿಳಿಸಿದೆ. ಬಿಜೆಪಿ ಅಭ್ಯರ್ಥಿಯಾಗಿ ಮಾಜಿ ಪ್ರಧಾನಿ ಹೆಚ್ಡಿ ದೇವೇಗೌಡರ ಅಳಿಯ ಡಾ.ಸಿಎನ್ ಮಂಜುನಾಥ್ ಸ್ಪರ್ಧಿಸಿದ್ದಾರೆ. ಹೀಗಾಗಿ ಈ ಕ್ಷೇತ್ರ ದೇಶದ ಗಮನ ಸೆಳೆದಿದೆ.
ರಾಜಕೀಯ ಅನುಭವ ಇಲ್ಲದಿರುವುದು ಮಂಜುನಾಥ್ ದೌರ್ಬಲ್ಯವಾಗಿದ್ದರೇ, ಮೋದಿ ಪ್ರಭಾವ ಕಾಂಗ್ರೆಸ್ ಅಭ್ಯರ್ಥಿಗೆ ಭೀತಿ ಹುಟ್ಟಿಸಿದೆ.
ಇಲ್ಲಿ ಕಳೆದ 17 ಚುನಾವಣೆಗಳಲ್ಲಿ 13 ಬಾರಿ ಕಾಂಗ್ರೆಸ್, ಮೂರು ಬಾರಿ ಜೆಡಿಎಸ್, ಒಮ್ಮೆ ಬಿಜೆಪಿ ಗೆದ್ದಿದೆ.
ಇಲ್ಲಿನ ಮತದಾರರ ಸಂಖ್ಯೆ 27,63,910.
ಮೈಸೂರು-ಕೊಡಗು.. (Mysore-Kodagu) ಮೈಸೂರು ಮಹಾರಾಜರ ವಂಶಸ್ಥರು, ಜನಸಾಮಾನ್ಯನ ನಡುವೆ ಇಲ್ಲಿ ಪೈಪೋಟಿ ಏರ್ಪಟ್ಟಿದೆ.
ಮೈಸೂರು ರಾಜವಂಶಸ್ಥ ಯದುವೀರ್ ಇಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿದ್ದರೇ, ಮುಖ್ಯಮಂತ್ರಿ ಸಿದ್ದರಾಮಯ್ಯ ಆಪ್ತ, ಕಾಂಗ್ರೆಸ್ ಕಟ್ಟಾಳು ಲಕ್ಷ್ಮಣ್ ಕಾಂಗ್ರೆಸ್ ಅಭ್ಯರ್ಥಿಯಾಗಿದ್ದಾರೆ.
ಮುಖ್ಯಮಂತ್ರಿ ಸಿದ್ದರಾಮಯ್ಯ ಸ್ವಂತ ಜಿಲ್ಲೆಯಾದ ಕಾರಣ ಕ್ಷೇತ್ರವನ್ನು ಗೆಲ್ಲಲು ಅವರು ವಿಸ್ತೃತ ಪ್ರಚಾರದಲ್ಲಿ ತೊಡಗಿದ್ದಾರೆ.
ಅಂದಾಜು 4.7 ಲಕ್ಷ ಒಕ್ಕಲಿಗ ಮತದಾರರು ಇರುವ ಈ ಕ್ಷೇತ್ರದಲ್ಲಿ ಕಾಂಗ್ರೆಸ್, 47 ವರ್ಷಗಳಲ್ಲಿ ಇದೇ ಮೊದಲ ಬಾರಿಗೆ ಒಕ್ಕಲಿಗರಿಗೆ ಟಿಕೆಟ್ ನೀಡಿದೆ.
ಇಲ್ಲಿನ ಮತದಾರರ ಸಂಖ್ಯೆ 20,92,222
ಹಾಸನ.. (Hassan) ಜೆಡಿಎಸ್ ವರಿಷ್ಠ ಹೆಚ್ಡಿ ದೇವೇಗೌಡರ ರಾಜಕೀಯ ತವರು ಕ್ಷೇತ್ರವಿದು. ಇಲ್ಲಿಂದ ಸತತ ಐದು ಬಾರಿ ಗೆದ್ದಿದ್ದ ದೇವೇಗೌಡರು 2019ರಲ್ಲಿ ತಮ್ಮ ಮೊಮ್ಮಗ ಪ್ರಜ್ವಲ್ ರೇವಣ್ಣಗಾಗಿ ಕ್ಷೇತ್ರ ತ್ಯಾಗ ಮಾಡಿದ್ದರು.
2019ರಲ್ಲಿ ಜೆಡಿಎಸ್ ಗೆದ್ದ ಏಕೈಕ ಕ್ಷೇತ್ರವಿದೆ. ಹಾಲಿ ಸಂಸದ ಪ್ರಜ್ವಲ್ ರೇವಣ್ಣಗೆ ಮತ್ತೆ ಜೆಡಿಎಸ್ ಟಿಕೆಟ್ ನೀಡಿದೆ. ಹೊಳೆನರಸೀಪುರದಲ್ಲಿ ಹೆಚ್ ಡಿ ರೇವಣ್ಣ ವಿರುದ್ಧ ಕೂದಲೆಳೆ ಅಂತರದಲ್ಲಿ ಸೋತಿದ್ದ ಶ್ರೇಯಸ್ ಪಟೇಲ್ರನ್ನು ಕಾಂಗ್ರೆಸ್ ಕಣಕ್ಕಿಳಿಸಿದೆ.
ಇಲ್ಲಿ ಬಿಜೆಪಿ-ಜೆಡಿಎಸ್ ಕಾರ್ಯಕರ್ತರು ಬದ್ಧ ಶತ್ರುಗಳಂತೆ ವರ್ತಿಸುತ್ತಾರೆ. ಆದರೆ ಇಲ್ಲಿ, ಬಿಜೆಪಿ-ಜೆಡಿಎಸ್ ಮೈತ್ರಿ ಮಾಡಿಕೊಂಡಿರುವುದು ಕಾರ್ಯಕರ್ತರಿಗೆ ನುಂಗಲಾರದ ತುತ್ತಾಗಿ ಪರಿಣಮಿಸಿದೆ. ಇದು ತಮಗೆ ಲಾಭ ತಂದುಕೊಡಲಿದೆ ಎನ್ನುವುದು ಕಾಂಗ್ರೆಸ್ ನಂಬಿಕೆಯಾಗಿದೆ.
ಇಲ್ಲಿನ ಮತದಾರರ ಸಂಖ್ಯೆ 17,24,908
